இஸ்லாமாபாத்: இந்தியாவுடன் ஏற்பட்ட மோதல் காரணமாக நிறுத்தப்பட்ட வர்த்தகத்தால் பாகிஸ்தான் ரூ.3.78 லட்சம் கோடியை இழந்துள்ளது என்ற முக்கிய தகவல் வெளியாகி உள்ளது. இதுதொடர்பாக பாகிஸ்தான் - இந்தியா வணிக கவுன்சிலின் தலைவர் நூர் முஹம்மது கசூரி வெளியிட்டுள்ள அறிவிப்பில் கூறப்பட்டுள்ளதாவது: இந்தியாவில் புல்வாமா பயங்கரவாத தாக்குதல் மற்றும் அதனைத் தொடர்ந்து ஏற்பட்ட பதற்றமான சூழல் உள்ளிட்டவற்றால் கடந்த 2019ம் ஆண்டு இந்தியாவுடன் வர்த்தகம் நிறுத்தப்பட்டது. அந்த காலக்கட்டத்தில் இருந்து இன்று வரை பாகிஸ்தானுக்கு சுமார் 40 பில்லியன் அமெரிக்க டாலர் (இந்திய மதிப்பில் ரூ.3.78 லட்சம் கோடி) பொருளாதார இழப்பு ஏற்பட்டுள்ளது. ஏனென்றால் இந்தியாவில் இருந்து வர்த்தகம் பாதிக்கப்பட்டதால் அதற்கு பதில் தொலைதூர நாடுகளில் இருந்து பொருட்களை இறக்குமதி செய்ய வேண்டி உள்ளது. இது போக்குவரத்து செலவு மற்றும் சரக்கு கட்டணங்களை அதிகரிப்பதோடு, பொருட்கள் காலதாமதமாக பாகிஸ்தானுக்கு வருகிறது. அதுமட்டுமின்றி கூடுதல் விலைக்கு பொருட்கள் விற்பனை செய்ய வேண்டிய சூழல் ஏற்பட்டுள்ளது. பாகிஸ்தானின் மருந்து தொழில் இந்தியாவில் இருந்து கிடைக்கும் மூலப்பொருட்களை சார்ந்து இருந்தது. தற்போது அந்த பொருட்கள் கிடைக்கவில்லை. இந்தியாவில் இருந்து இந்த பொருட்கள் கிடைத்தால் பாகிஸ்தானால் ஆண்டுக்கு 2 பில்லியன் முதல் 3 பில்லியன் அமெரிக்க டாலர்கள் (இந்திய மதிப்பில் ரூ.18.94 கோடி முதல் ரூ.28.14 கோடி) வரை சேமிக்க முடியும் இப்படியாக பொதுமக்கள், வர்த்தகர்கள் என்று பலரும் பாதிக்கப்பட்டு வருகின்றனர். இதனால் பாகிஸ்தான் - இந்தியா இடையே மீண்டும் வர்த்தகத்தை தொடங்க வேண்டும். இது இரு தரப்பு வணிகங்களுக்கும் பயனளிப்பதோடு, முதலீடு, சுற்றுலா மற்றும் பிராந்திய ஒத்துழைப்பிற்கான வாய்ப்புகளை உருவாக்கும்'' என்றார்.
இந்தியாவால் கதறும் பாகிஸ்தான்.. ஒரேயொரு சம்பவத்தால் 3.78 லட்சம் கோடி இழப்பு.. தரமான சம்பவம்
📅
📍 Tamil Nadu, Tamil Nadu
🏷️ News
✍️ TN24 Editorial Desk
🔗 Source: oneindia.com (original report) ↗
