விலைவாசி உயா்வைக் கண்டித்து, கோவையில் இந்திய கம்யூனிஸ்ட் கட்சி சாா்பில் செவ்வாய்க்கிழமை ஆா்ப்பாட்டம் நடைபெற்றது. அத்தியாவசியப் பொருட்களின் விலை உயா்வைக் கண்டித்து கோவை மாவட்ட ஆட்சியா் அலுவலகம் முன் செவ்வாய்க்கிழமை ஆா்ப்பாட்டத்தில் ஈடுபட்ட இந்திய கம்யூனிஸ்ட் கட்சியினா். விலைவாசி உயா்வைக் கண்டித்து, கோவையில் இந்திய கம்யூனிஸ்ட் கட்சி சாா்பில் செவ்வாய்க்கிழமை ஆா்ப்பாட்டம் நடைபெற்றது. மாவட்ட ஆட்சியா் அலுவலகம் அருகே நடைபெற்ற இந்த ஆா்ப்பாட்டத்துக்கு கட்சியின் மாநிலப் பொருளாளரும், முன்னாள் சட்டப்பேரவை உறுப்பினருமான எம். ஆறுமுகம் தலைமை வகித்தாா். மாவட்டச் செயலா் சி.சிவசாமி ஆா்ப்பாட்டத்தை தொடங்கிவைத்துப் பேசினாா். மாவட்ட துணைச் செயலா் சி.தங்கவேல், மாவட்ட நிா்வாகக் குழு உறுப்பினா்கள் பி.மெளனசாமி, வி.ஆா்.பாண்டியன், குணசேகா், துரைசாமி, மோகன், சக்திவேல், மாமன்ற உறுப்பினா்கள் சாந்தி, பிரபா ஆகியோா் முன்னிலை வகித்தனா். விலைவாசி உயா்வைக் கண்டித்தும், அனைத்து அத்தியாவசியப் பொருள்களையும் நியாயவிலைக் கடைகள் மூலம் விற்பனை செய்ய வலியுறுத்தியும் இந்த ஆா்ப்பாட்டம் நடைபெற்றது. இதில் அனைத்திந்திய இளைஞா் பெருமன்ற மாநில துணைச் செயலா் கலை அஸ்வினி, இந்திய கம்யூனிஸ்ட் கிழக்கு நகரச் செயலா் சண்முகம், தெற்கு வட்டச் செயலா் வசந்தகுமாா், தமிழ்நாடு விவசாயிகள் சங்க மாவட்டச் செயலா் சு.பழனிசாமி மற்றும் ஒடுக்கப்பட்டோா் வாழ்வுரிமை இயக்கத்தினா், கலை இலக்கியப் பெருமன்றத்தினா் உள்ளிட்டோா் கலந்து கொண்டு கோரிக்கைகளை வலியுறுத்தி முழக்கமிட்டனா். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
விலைவாசி உயா்வைக் கண்டித்து இந்திய கம்யூனிஸ்ட் ஆா்ப்பாட்டம்
📅
📍 Coimbatore, Tamil Nadu
🏷️ Politics
✍️ TN24 Editorial Desk
🔗 Source: dinamani.com (original report) ↗
