மதுராந்தகம் தொகுதியில் பிரச்சாரம் மேற்கொள்ளும் முதல்வர் விஜய் தொடர்பான தகவல்களை தெரிந்துகொள்ள இந்த பதிவில் இணைந்திருங்கள். தமிழகத்தில் முதல்வர் விஜய் ராஜினாமா செய்த திருச்சி கிழக்கு உட்பட 7 தொகுதிகள் காலியாக உள்ளன. இதில் அ.தி.மு.க. எம்.எல்.ஏக்கள் ராஜினாமா செய்த மதுராந்தகம், தாராபுரம் ஆகிய இரு தொகுதிகளுக்கு வரும் அக்டோபர் 6-ந் தேதி இடைத்தேர்தல் நடைபெற உள்ளது. தமிழகத்தில் நடைபெற்ற சட்டசபை தேர்தலில், யாரும எதிர்பார்க்காத வகையில் தமிழக வெற்றிக் கழகம் 108 தொகுதிகளில் வெற்றி பெற்று கூட்டணி கட்சிகளுடன் இணைந்து ஆட்சியை கைப்பற்றியுள்ளது. தேர்தல் முடிவகள் அறிவிக்கப்பட்ட ஓரிரு வாரங்களில், அ.தி.மு.க. சார்பில் வெற்றி பெற்ற 6 எம்.எல்.ஏக்கள் தங்கள் பதவியை ராஜினாமா செய்துவிட்டு தமிழக வெற்றிக் கழகம் கட்சியில் இணைந்தனர். பெரம்பூர், திருச்சி கிழக்கு ஆகிய இரு தொகுதிகளில வெற்றி பெற்ற முதல்வர் விஜய் திருச்சி கிழக்கு தொகுதியில் ராஜினாமா செய்ததால், தற்போது தமிழகத்தில் 7 தொகுதிகள் காலியாக உள்ளதாக அறிவிக்கப்பட்டுள்ளது, இதில் தாராபுரம், மதுராந்தகம் ஆகிய இரு தொகுதிகளுக்கு மட்டும் இடைத்தேர்தல் அக்டோபர் 6-ந் தேதி நடைபெற உள்ளது. தனது எம்.எல்.ஏ பதவியை ராஜினாமா செய்து த.வெ.க.வில் இணைந்த சத்யபாமா, மரகதம் குமாரவேல் ஆகியோர் த.வெ.க. சார்பாக மீண்டும் இந்த தொகுதியில் போட்டியிடுகின்றனர். மதுராந்தகத்தில் முதல்வர் விஜய் இன்று இடைத்தேர்தலுக்கான பிரச்சாரம் மேற்கொள்ள இருக்கும் நிலையில், அங்கு எம்.ஜி.ஆர் சிலைக்கு மாலை அணிவிக்க உள்ளார். ஆனால் தேர்தல் விதிகளின் காரணமாக எம்.ஜி.ஆர் சிலையில் இரட்டை விரல், மற்றும் சிலைக்கு கீழே இருந்த இரட்டை இலை சின்னம் மறைக்கப்பட்டுள்ளது. செங்கல்பட்டு மாவட்டம் மதுராந்தகம் (தனி) சட்டமன்ற தொகுதியில் த.வெ.க. சார்பில் மரகதம் குமரவேல் மீண்டும் போட்டியிடும் நிலையில், தி.மு.க. சார்பில் பரந்தாமன், அ.தி.மு.க. சார்பில் கணிதா சம்பத், மார்க்சிஸ்ட் கம்யூனிஸ்டு கட்சி சார்பில் சுகந்தி, நாம் தமிழர் கட்சி வேட்பாளர் ஜானகிராமன் உள்ளிட்ட 28 பேரின் மனுக்கள் ஏற்கப்பட்டது. Stay updated with the latest news headlines and all the latest Lifestyle news. Download Indian Express Tamil App - Android or iOS. இந்தக் கட்டுரையைப் பகிரவும் இந்த கட்டுரை உங்களுக்கு பிடித்திருந்தால் உங்கள் நண்பர்களுடன் பகிரவும்அவர்கள் பின்னர் நன்றி சொல்வார்கள்
CM Vijay Madhuranthagam Champaign Live Update: மதுராந்தகம் இடைத்தேர்தல் - விஜய் இன்று பிரச்சாரம்
📅
📍 Tamil Nadu, Tamil Nadu
🏷️ Politics
✍️ TN24 Editorial Desk
