Russia volcano eruption பூமியிலிருந்து சுமார் 747 கிலோமீட்டர் உயரத்தில் வலம்வரும் நிசார், தனது சோதனை ஓட்டத்தின்போது கடந்த டிசம்பர் 25, 2025 அன்று இந்த எரிமலையின் முதல் படத்தைப் பதிவு செய்தது. ரஷ்யா எரிமலை வெடிப்பை மெய்சிலிர்க்க வைக்கும் அளவுக்கு போட்டோ எடுத்த நம்ம நிசார் சாட்டிலைட்! (Image AI) அமெரிக்காவின் நாசா (NASA) மற்றும் இந்தியாவின் இஸ்ரோ (ISRO) விண்வெளி நிறுவனங்கள் இணைந்து உருவாக்கிய 'நிசார்' (NISAR) செயற்கைக்கோள், ரஷ்யாவின் கம்சட்கா (Kamchatka) தீபகற்பத்தில் உள்ள கிராஷெனின்னிகோவ் (Krasheninnikov) எரிமலை வெடிப்பின் மிகத் துல்லியமான ரேடார் காட்சிகளைப் பதிவு செய்துள்ளது. ஏறக்குறைய 500 ஆண்டுகளுக்குப் பிறகு இந்த எரிமலை மீண்டும் விழித்தெழுந்துள்ளதை இந்தச் செயற்கைக்கோள் திறம்பட கண்காணித்துள்ளது. கடந்த 2025 ஜூலை 30 அன்று பசிபிக் பெருங்கடலில் கம்சட்கா அருகே ரிக்டர் அளவில் 8.8 பதிவான சக்திவாய்ந்த நிலநடுக்கம் ஏற்பட்டது. இதனையடுத்து கி.பி. 1550-க்குப் பிறகு செயலற்று (dormant) கிடந்த கிராஷெனின்னிகோவ் எரிமலை, இந்த நிலநடுக்கத்திற்குப் பிறகு தீவிரமாக வெடிக்கத் தொடங்கியது. பூமியிலிருந்து சுமார் 747 கிலோமீட்டர் உயரத்தில் வலம்வரும் நிசார், தனது சோதனை ஓட்டத்தின்போது கடந்த டிசம்பர் 25, 2025 அன்று இந்த எரிமலையின் முதல் படத்தைப் பதிவு செய்தது. For the first time in nearly five centuries, Krasheninnikov erupted. 🌋The @NASA/@ISRO NISAR satellite captured lava filling its caldera and overflowing into a wider crater, showing how NISAR can repeatedly monitor volcanoes and other natural hazards in sharp detail. pic.twitter.com/458fdJOFyQ லாவா பரவலைக் கண்காணித்த விதம் விஞ்ஞானிகள் ஆகஸ்ட் நடுப்பகுதி வரை நிசார் சேகரித்து வழங்கிய 17 ரேடார் படங்களை ஒன்றிணைத்து ஒரு டைம்-லாப்ஸ் (time-lapse) காட்சியை உருவாக்கினர். முதலில் லாவா பாறைக் குழம்பு சிறிய உள் பள்ளத்தை நிரப்புகிறது. பின்னர் அது பெரிய பள்ளத்திற்குள் பாய்ந்து, இறுதியில் பரந்த விசிறி வடிவில் வெளியே பரவுகிறது. இந்த லாவா வயல் கிழக்கு நோக்கி விரிவடைவதையும், மற்றொரு ஓட்டம் வடமேற்கு நோக்கி நகர்வதையும் விஞ்ஞானிகள் கண்டறிந்துள்ளனர். மைக்ரோவேவ் தொழில்நுட்பத்தின் சிறப்பு (SAR) நிசார் செயற்கைக்கோள் செயற்கை துளை ரேடார் (SAR) தொழில்நுட்பத்தைப் பயன்படுத்தி பூமியைக் கண்காணிக்கிறது: இது சூரிய ஒளியைச் சார்ந்திருக்காமல், மேற்பரப்பை நோக்கி ஆயிரக்கணக்கான மைக்ரோவேவ் அலைகளை அனுப்பி எதிரொலிக்கும் சமிக்ஞைகளை அளவிடுகிறது. இதன் காரணமாக, பகல்-இரவு பாராமலோ அல்லது மேகமூட்டம் மற்றும் பனிப்பொழிவு இருந்தாலும் கூட துல்லியமான தரவுகளைத் தர முடியும். இதன் ஒவ்வொரு படப் புள்ளியும் (pixel) சுமார் 10x10 மீட்டர் பரப்பளவைக் குறிக்கும் திறன் கொண்டது. எதிர்காலப் பயன்கள் எல்-பேண்ட் (L-band) மற்றும் எஸ்-பேண்ட் (S-band) ஆகிய இரண்டு ரேடார் அமைப்புகளைக் கொண்டுள்ள முதல் விண்வெளித் திட்டம் நிசார் ஆகும். உலகெங்கிலும் உள்ள சுமார் 1,300 செயல்படும் எரிமலைகளை உன்னிப்பாகக் கண்காணிக்க இது பெரிதும் உதவும். தொலைதூர மற்றும் ஆபத்தான பகுதிகளில் மனிதர்களின் நேரடிச் செல்ல முடியாத இடங்களில் ஏற்படும் இயற்கை மாற்றங்களை முன்கூட்டியே அறிந்துகொள்ளவும், பேரிடர் மேலாண்மைக்குப் பங்களிக்கவும் இந்த விண்வெளிப் பயணம் ஒரு மைல்கல்லாக அமைந்துள்ளது. Stay updated with the latest news headlines and all the latest Lifestyle news. Download Indian Express Tamil App - Android or iOS. Hello! I am Abisudha, a seasoned media professional with over 7 years of experience in digital journalism. Currently serving as a Sub-Editor at The Indian Express (Tamil) since 2021, I specialize in reporting on Business, Politics, and National news. My editorial journey began in 2017 as a Casual Announcer for All India Radio (FM Rainbow 102.6) in Tirunelveli. Before joining my current role, I spent two years as a Copy Editor at Times of India (Samayam Tamil) and have extensive experience in lifestyle reporting. I hold a Bachelor’s degree in Visual Communication from St. Xavier’s College, Tirunelveli and a Master’s in Journalism from Manonmaniam Sundaranar University. Contact: abi.sudha@indianexpress.com இந்தக் கட்டுரையைப் பகிரவும் இந்த கட்டுரை உங்களுக்கு பிடித்திருந்தால் உங்கள் நண்பர்களுடன் பகிரவும்அவர்கள் பின்னர் நன்றி சொல்வார்கள்
500 ஆண்டுகளுக்குப் பிறகு தூக்கம் கலைந்த எரிமலை: லாவா கொப்பளிப்பதை செமையா கேப்சர் பண்ணிய நிசார்
📅
📍 Tirunelveli, Tamil Nadu
🏷️ News
✍️ TN24 Editorial Desk
