ஒருங்கிணைத்த பாஜக, ஆர்.எஸ்.எஸ் மற்றும் தேர்தல் ஆணையம் தேசத்துரோகச் செயலில் ஈடுபட்டுள்ளன என்று ராகுல்காந்தி குறிப்பிட்டுள்ளார். தேர்தல் ஆணையத்திற்குள் நிலவும் மோதல் குறித்து 'தி இந்தியன் எக்ஸ்பிரஸ்' (The Indian Express) நாளிதழ் வெளியிட்ட புலனாய்வு அறிக்கை அரசியல் புயலை கிளப்பிய சில மணி நேரங்களிலேயே, மக்களவை எதிர்க்கட்சித் தலைவர் ராகுல் காந்தி, ஆளும் பாஜக மற்றும் தேர்தல் ஆணையத்தின் மீது தேசத்துரோகக் குற்றம் சாட்டினார். இந்த செய்தியை ஆங்கிலத்தில் படிக்க இங்கே க்ளிக் செய்யவும்: கடந்த சில ஆண்டுகளாக தேர்தல் ஆணையம் மற்றும் அதன் தேர்தல் நடைமுறைகளை தொடர்ந்து கேள்வி எழுப்பி வரும் ராகுல் காந்தி, தனது எக்ஸ் தளத்தில் வெளியிட்ட பதிவில், "வாக்குத் திருட்டு என்பது இந்திய மக்களுக்கு எதிரான குற்றமாகும்; நமது அரசியலமைப்பின் மீதான நேரடித் தாக்குதலாகும். இதை ஒருங்கிணைத்த பாஜக, ஆர்.எஸ்.எஸ் மற்றும் தேர்தல் ஆணையம் தேசத்துரோகச் செயலில் ஈடுபட்டுள்ளன. நீதி வழங்கப்படும்" என்று குறிப்பிட்டுள்ளார். 'தி இந்தியன் எக்ஸ்பிரஸ்' நடத்திய புலனாய்வில், வாக்காளர் பட்டியலின் சிறப்பு தீவிர திருத்தம் (SIR) குறித்த முக்கியமான கேள்விகள், மூன்று உறுப்பினர்களைக் கொண்ட தேர்தல் ஆணையத்திற்கு உள்ளிருந்தே எழுப்பப்பட்டது தெரியவந்துள்ளது. கடந்த 10 மாதங்களில் தேர்தல் ஆணையம் எடுத்த முடிவுகளுக்கு, தேர்தல் ஆணையர்களான சுக்பீர் சிங் சந்து மற்றும் விவேக் ஜோஷி ஆகியோர் குறைந்தது 14 முறையாவது அதிகாரப்பூர்வமாகத் தங்களின் எதிர்ப்பைப் பதிவு செய்துள்ளனர் என்று அந்தப் புலனாய்வில் கண்டறியப்பட்டுள்ளது. இந்தத் பிரத்யேகச் செய்தியைத் தொடர்ந்து, தலைமைத் தேர்தல் ஆணையர் ஞானேஷ் குமார் தனது விருப்பப்படி தேர்தல் ஆணையத்தை நடத்தி வருவதாக காங்கிரஸ் கட்சி விமர்சித்துள்ளது. "மோடி தேர்தல் ஆணையத்தைக் கைப்பற்றிவிட்டார் என்று நாங்கள் தொடர்ந்து கூறி வருகிறோம். ஞானேஷ் குமார் மோடியின் கைப்பாவையாகச் செயல்படுகிறார்" என்று காங்கிரஸ் கட்சி எக்ஸ் தளத்தில் பதிவிட்டு, தேர்தல் ஆணையத் தலைவர் மற்றும் பிரதமர் மீது கடுமையான குற்றச்சாட்டுகளைச் சுமத்தியுள்ளது. ராகுல் காந்தி தலைமையிலான காங்கிரஸ் கட்சி, தேர்தல் ஆணையத்திற்கு எதிராக 'வாக்குத் திருட்டு' என்ற பிரச்சாரத்தைச் நடத்தி வருகிறது. பெரிய அளவிலான தேர்தல் முறைகேடுகள் நடப்பதாகவும், ஆளும் பாஜகவுடன் இணைந்து தேர்தல் ஆணையம் செயல்படுவதாகவும் குற்றம் சாட்டியுள்ளது. இருப்பினும், தேர்தல் ஆணையமும் ஆளும் கட்சியும் இந்தக் குற்றச்சாட்டுகளை முற்றிலும் நிராகரித்துள்ளன. ராகுல் காந்தி முன்னதாகச் செய்தியாளர் கூட்டங்களை நடத்தி, வாக்காளர் பட்டியலில் முறைகேடுகள் நடப்பதாகக் குற்றம் சாட்டியிருந்தார். அண்மையில், மம்தா பானர்ஜி தலைமையிலான திரிணமூல் காங்கிரஸின் பெயர் மற்றும் சின்னத்தை தேர்தல் ஆணையம் முடக்கியபோது, எதிர்க்கட்சிகளுக்கு எதிராக தேர்தல் ஆணையம் செயல்படுவதாகவும் அவர் குற்றம் சாட்டியிருந்தார். Vote chori is a crime against the Indian people and a direct attack on our constitution. The BJP, RSS and EC who organised it have committed an act of treason. Justice will be served. pic.twitter.com/30kX06CBiH உண்மையில், வினாத்தாள் கசிவு விவகாரத்திற்குப் பிறகு மாணவர்கள் மற்றும் இளைஞர்களிடையே ஆதரவைத் திரட்டுவதற்காக ராகுல் காந்தியின் 'சத்ரோன் கி கூஞ்ச்' (Chhatron ki Goonj) பிரச்சாரத்துடன், இந்த 'வாக்குத் திருட்டு' குற்றச்சாட்டையும் இணைத்து அரசுக்கு எதிராக இருமுனைத் தாக்குதலைத் தொடுக்க காங்கிரஸ் தற்போது திட்டமிட்டுள்ளது. வயநாடு எம்பியும் காங்கிரஸ் தலைவருமான பிரியங்கா காந்தியும் தேசத்துரோகம் இழைக்கப்பட்டுள்ளதாகக் கூறியுள்ளார். இது குறித்து அவர் கூறுகையில், "இது நமது ஜனநாயகத்திற்கு மிகவும் தீவிரமானப் பிரச்சனை. தேர்தலே நடக்கவில்லை என்றால், ஜனநாயகம் எங்கே இருக்கும்? தேர்தல்கள் நியாயமற்றும் முறைகேடாகவும் நடந்தால், அதற்கு தேர்தல் ஆணையமே துணை போகிறது என்று அர்த்தம். தேர்தல் ஆணையருக்கு இது தெரிந்தது மட்டுமின்றி, நடக்க அனுமதிக்கிறார் என்றால், அது ஜனநாயகத்தின் மீதான மிகப்பெரிய தாக்குதலாகும். இது ஒரு தேசத்துரோகச் செயல்" என்று தெரிவித்தார். #WATCH | Nilambur, Keralam | Congress MP Priyanka Gandhi Vadra reacts to Indian Express report on 2 ECs objecting to discrepancies in SIR processShe says, "This is an extremely serious issue for our democracy. If there are no elections, then where is democracy? If elections are… pic.twitter.com/5Ph6bk92cY மேலும், இந்த விவகாரம் குறித்துச் சுதந்திரமான அமைப்பின் மூலம் நியாயமான மற்றும் நேர்மையான அதிகாரப்பூர்வ விசாரணை நடத்தப்பட வேண்டும் என்றும், அந்த விசாரணை நாடு முழுவதற்கும் வெளிப்படையாக அமைக்கப்பட வேண்டும் என்றும் அவர் வலியுறுத்தினார். தொடர்ந்து காங்கிரஸ் தலைவர் மல்லிகார்ஜுன கார்கே கூறுகையில், அரசு இந்தியாவின் ஜனநாயகத்தையும் அதன் நிறுவனங்களையும் தன்வசப்படுத்தி வருகிறது, அவற்றின் சுதந்திரம் மற்றும் நடுநிலைமை குறித்துக் கேள்விகள் எழுப்பப்பட்டு வருகின்றன. "கடந்த சில ஆண்டுகளாக, நாட்டில் நடைபெறும் தேர்தல்களின் நேர்மை குறித்து காங்கிரஸும் பல எதிர்க்கட்சிகளும் கேள்விகளை எழுப்பி வருகின்றன. पिछले कई वर्षों से काँग्रेस पार्टी और कई विपक्षी दल देश में होने वाले चुनावों की निष्पक्षता पर सवाल उठा रहे हैं। हमें लगातार चुनाव आयोग की भूमिका संदिग्ध नज़र आ रही थी। जब हमने सवाल उठाया तो उसे मज़ाक़ में उड़ा दिया गया। आयोग के दरवाज़े बंद कर दिए गए। आज चुनाव आयोग के भीतर से… தேர்தல் ஆணையத்தின் பங்களிப்பை நாங்கள் தொடர்ந்து சந்தேகத்துடனேயே பார்த்து வருகிறோம். நாங்கள் கேள்விகளை எழுப்பியபோது, அவை கேலியாக நிராகரிக்கப்பட்டன. ஆணையத்தின் கதவுகள் அடைக்கப்பட்டன" என்று கார்கே தனது எக்ஸ் தளத்தில் குற்றம் சாட்டியுள்ளார். Stay updated with the latest news headlines and all the latest Lifestyle news. Download Indian Express Tamil App - Android or iOS. அறிமுகம் இந்தியன் எக்ஸ்பிரஸ் தமிழ் வெப் டெஸ்க் என்பது பல துறை பத்திரிகையாளர்களைக் கொண்ட ஒரு குழுவாகும். இந்த குழு உலகம் முழுவதும் 24 மணி நேரமும் நடக்கும் செய்திகள் மற்றும் நிகழ்வுகளை செய்தியாக தமிழில் அளிக்கும். இது இந்தியன் எக்ஸ்பிரஸ் தமிழ் ஆன்லைன் வெப் டெஸ்க்கால் சரிபார்க்கப்பட்ட செய்திகளின் நம்பகமான மூலமாகும். இந்த வெப் டெஸ்க் அரசியல், வணிகம், தேசிய மற்றும் சர்வதேச நிகழ்வுகள் மற்றும் இந்தியா முழுவதிலுமிருந்து தினசரி முக்கிய செய்திகள் குறித்த நேரலைப் பதிவுகள் மற்றும் புதுப்பிப்பிக்கப்பட்ட தகவல்களை உங்களுக்கு வழங்குகிறது. நிபுணத்துவம் பல் துறை செய்தி நிபுணத்துவம்: முக்கிய செய்திகளின் நேரலைப் பதிவுகள் முதல் விரிவான ஊடக அறிக்கைகள் வரை நிகழ்நேரத்தில் டிஜிட்டல் மூலம் செய்திகளை அளிப்பதில் வெப் டெஸ்க் குழு நிபுணத்துவம் பெற்றது. பரந்த அளவிலான கவரேஜ்: இந்த வெப் டெஸ்க் பல்வேறு முக்கியமான துறைகளில் விரிவான நிபுணத்துவத்தைக் கொண்டுள்ளது, அவற்றுள்: அரசியல்: தமிழக அரசியல், சட்டமன்ற நிகழ்வுகள், இந்திய பாராளுமன்ற நிகழ்வுகள் மற்றும் தேசிய மற்றும் சர்வதேச அரசியல் செய்திகளை வழங்குதல். தேசிய & சர்வதேச நிகழ்வுகள்: பல்வேறு மாநிலங்களில் உள்ள உள்ளூர் பிரச்சனைகள் முதல் உலகளாவிய பாதுகாப்பு நிலவரங்கள் மற்றும் சர்வதேச விசாரணைகள் வரையிலான செய்திகளை வழங்குதல். தொழில்நுட்பம் & ஏ.ஐ: புதிய செயற்கை நுண்ணறிவு, சாஃப்ட்வேர் அப்டேட்கள் மற்றும் வளர்ந்து வரும் டிஜிட்டல் மீடியா நிலப்பரப்பில் நிபுணர்களின் சமீபத்திய புதுப்பிப்புகளை வழங்குதல். வாழ்க்கை முறை மற்றும் மன ஆரோக்கியம்: சமூகப் போக்குகள், சுகாதார சவால்கள் மற்றும் தனிப்பட்ட நல்வாழ்வு குறித்த நுணுக்கமான தகவல்களை வழங்குதல். கல்வி & வேலை வாய்ப்பு: பள்ளி, கல்லூரிகளுக்கான தகவல்கள் முதல் நீட், ஜே.இ.இ போன்ற தேர்வுகள் வரையிலான கல்வி செய்திகளையும், டி.என்.பி.எஸ்.சி, ரயில்வே, வங்கி தேர்வுகள் மற்றும் தமிழகம் மற்றும் இந்திய அளவிலான வேலை வாய்ப்பு குறித்த சமீபத்திய வேலை வாய்ப்பு தகவல்களையும் வழங்குதல். நம்பகத்தன்மை இந்தியன் எக்ஸ்பிரஸ் தமிழின் ஒருங்கிணைந்த பகுதியாக, வெப் டெஸ்க் "தைரியமான ஊடகவியல்" என்ற மரபின் கீழ் செயல்படுகிறது. ஒவ்வொரு செய்தியும் இந்தியன் எக்ஸ்பிரஸ் ஆன்லைன் டெஸ்க்கால் சரிபார்க்கப்பட்ட செய்திகளின் நம்பகமான மூலமாகும். இந்த கடுமையான சரிபார்ப்பு செயல்முறை, நிகழ்நேரத்தில் செய்திகளை அளிப்பதில் ஒருபோதும் உண்மை துல்லியம் அல்லது பத்திரிகை நேர்மையை இழக்காமல் இருப்பதை உறுதி செய்கிறது. வெப் டெஸ்க் அனுபவம் இந்தியன் எக்ஸ்பிரஸ் தமிழ் வெப் டெஸ்க் 8 ஆண்டுகள் அனுபவம் கொண்டது. இந்தக் கட்டுரையைப் பகிரவும் இந்த கட்டுரை உங்களுக்கு பிடித்திருந்தால் உங்கள் நண்பர்களுடன் பகிரவும்அவர்கள் பின்னர் நன்றி சொல்வார்கள்
இந்தியன் எக்ஸ்பிரஸ் செய்தி எதிரொலி; மீண்டும் 'வாக்குத் திருட்டு' குற்றச்சாட்டை கையில் எடுத்த காங்கிரஸ்
📅
📍 Tamil Nadu, Tamil Nadu
🏷️ Politics
✍️ TN24 Editorial Desk
