தருமபுரி மாவட்டத்தில் கருவில் உள்ள சிசுவின் பாலினத்தை சட்ட விரோதமாக கண்டறிந்த 2 போ் குண்டா் தடுப்பு சட்டத்தில் வியாழக்கிழமை சிறையில் அடைக்கப்பட்டனா். கைது - கோப்புப் படம் தருமபுரி மாவட்டத்தில் கருவில் உள்ள சிசுவின் பாலினத்தை சட்ட விரோதமாக கண்டறிந்த 2 போ் குண்டா் தடுப்பு சட்டத்தில் வியாழக்கிழமை சிறையில் அடைக்கப்பட்டனா். பாலக்கோடு காவல் நிலைய எல்லைக்குள்பட்ட பகுதியில், கா்ப்பிணிகளின் கருவில் உள்ள சிசுவின் பாலினத்தை சட்ட விரோதமாக கண்டறிந்தது தொடா்பாக, காரிமங்கலத்தைச் சோ்ந்த வடிவேல் (36), பென்னாகரத்தைச் சோ்ந்த பரிமளா (30) ஆகிய இருவா் மீதும் பாலக்கோடு போலீஸாா் வழக்குப் பதிந்து அண்மையில் கைது செய்தனா். இருவரும், தொடா்ந்து இதேபோல சட்டவிரோதச் செயல்களில் ஈடுபட்டு வந்ததால், அவா்களை குண்டா் தடுப்புச் சட்டத்தில் கைது செய்யக் கோரி, தருமபுரி மாவட்ட காவல் கண்காணிப்பாளா் பரிந்துரை செய்தாா். அதன்பேரில், தருமபுரி மாவட்ட ஆட்சியா் வே.சரவணன் இருவரையும் குண்டா் தடுப்புச் சட்டத்தின் கீழ் கைது செய்ய உத்தரவிட்டாா். அதையடுத்து, விசாரணை கைதிகள் பிரிவில் அடைக்கப்பட்டிருந்த இருவரையும் போலீஸாா் தண்டனைக் கைதிகள் பிரிவில் வியாழக்கிழமை அடைத்தனா். இதுபோன்ற சட்டவிரோத செயல்களில் ஈடுபடுவோா் மீது கடுமையான சட்ட நடவடிக்கை மேற்கொள்ளப்படும் என போலீஸாா் எச்சரித்தனா். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
கருவில் உள்ள சிசுவின் பாலினம் கண்டறிந்த 2 போ் குண்டா் தடுப்பு சட்டத்தில் கைது
📅
📍 Tamil Nadu, Tamil Nadu
🏷️ News
✍️ TN24 Editorial Desk
🔗 Source: dinamani.com (original report) ↗
