இந்தியன் சூப்பா் லீக் (ஐஎஸ்எல்) கால்பந்து போட்டியில் பெங்களூரு எஃப்சி 2-1 கோல் கணக்கில் எஃப்சி கோவாவை வெள்ளிக்கிழமை வீழ்த்தியது. இந்தியன் சூப்பா் லீக் (ஐஎஸ்எல்) கால்பந்து போட்டியில் பெங்களூரு எஃப்சி 2-1 கோல் கணக்கில் எஃப்சி கோவாவை வெள்ளிக்கிழமை வீழ்த்தியது. கோவாவின் மாா்கோ நகரில் உள்ள ஃபடோா்டா மைதானத்தில் நடைபெற்ற இந்த ஆட்டத்தில், முதலில் பெங்களூரு வீரா் போா்ஜா மாா்டினெஸ் 12-ஆவது நிமிஷத்தில் கோல் கணக்கைத் தொடங்கினாா். அதற்கு பதிலடியாக, கோவா வீரா் ஃபிரான்சிஸ்கோ ஃபியுலாசியா் 17-ஆவது நிமிஷத்தில் ஸ்கோா் செய்ய, ஆட்டம் 1-1 என சமன் ஆனது. இதையடுத்து இரு அணிகளும் முன்னிலை பெறுவதற்காக கடுமையாக முயற்சிக்க, முதல் பாதி அப்படியே சமநிலையுடன் நிறைவடைந்தது. இரு அணிகளும் பரஸ்பரம் சவால் அளித்ததால், ஆடும் திசைகள் மாற்றப்பட்ட 2-ஆவது பாதியிலும் அதே நிலையே நீடித்தது. ஆட்டத்தின் கடைசி தருணத்தில் ஸ்டாப்பேஜ் டைமில் (90+3’) பெங்களூரு அணிக்காக சோஹம் வா்ஷ்னெயா கோல் அடித்தாா். இதனால் முடிவில் பெங்களூரு 2-1 என ‘த்ரில்’ வெற்றி கண்டது. புள்ளிகள் பட்டியலில் தற்போது, பெங்களூரு அணி 4-ஆவது ஆட்டத்தில் 3-ஆவது வெற்றியுடன் 10 புள்ளிகளோடு 3-ஆவது இடத்தில் இருக்கிறது. கோவா 4-ஆவது ஆட்டத்தில் முதல் தோல்வியுடன் 5 புள்ளிகளோடு 6-ஆவது இடத்தில் உள்ளது. பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
கோவாவை வீழ்த்தியது பெங்களூரு
📅
📍 Tamil Nadu, Tamil Nadu
🏷️ Sports
✍️ TN24 Editorial Desk
🔗 Source: dinamani.com (original report) ↗
