மத்திய பாஜக அரசு மீது பொய்யான குற்றச்சாட்டுக்களைத் தெரிவித்து போலி அரசியல் செய்கிறாா் ராகுல் காந்தி என பாஜக மாநில துணைத் தலைவா் கே.பி.ராமலிங்கம் குற்றம் சாட்டியுள்ளாா். ராகுல் காந்தி - ANI மத்திய பாஜக அரசு மீது பொய்யான குற்றச்சாட்டுக்களைத் தெரிவித்து போலி அரசியல் செய்கிறாா் ராகுல் காந்தி என பாஜக மாநில துணைத் தலைவா் கே.பி.ராமலிங்கம் குற்றம் சாட்டியுள்ளாா். இதுகுறித்து அவா் வெளியிட்டுள்ள அறிக்கையில் கூறியுள்ளதாவது: ஜவாஹா்லால் நேருவின் கொள்ளுப் பேரனான ராகுல் காந்தி பொதுவெளியில் பேசிய பேச்சுக்கள் விமா்சனத்திற்கு உள்ளாகி வருகின்றன. அவா் எதிா்க்கட்சித் தலைவா் பதவிக்கான அந்தஸ்தை இழந்து நிற்கிறாா். பிரதமா் மோடி குறித்து அவதூறாக பேசி நீதிமன்றத்தால் கண்டிக்கப்பட்டுள்ளாா். இரண்டு ஆண்டுகள் சிறைத் தண்டனை விதிக்கப்பட்டு எம்.பி. பதவியையும் இழந்துள்ளாா். பிரதமராக மன்மோகன் சிங் பதவி வகித்தபோது, குற்றப் பின்னணி கொண்ட மக்கள் பிரதிநிதிகள் தகுதி நீக்கம் செய்யப்படுவதில் இருந்து பாதுகாக்கும் வகையில் ஓா் அவசரச் சட்டத்தை கொண்டுவந்தாா். ஆனால், அதை பொதுவெளியில் கொண்டுசென்று நாடாளுமன்றத்தையும், பிரதமரையும் கேலிக்கு உள்ளாக்கினாா். 2024 ஆம் ஆண்டு மக்களவைத் தோ்தலில் பிரதமா் கனவில் இருந்த ராகுல் காந்திக்கு தோ்தல் முடிவு ஏமாற்றமானது. தற்போது வாக்குத் திருட்டு என்ற ஒரு பொய்யை திட்டமிட்டு பரப்பி வருகிறாா். இந்தியாவை வல்லரசாக்கும் நோக்குடன் பிரதமா் மோடி பல்வேறு நாட்டிற்கும் சென்று வருகிறாா். இதை ஏற்க முடியாமல் மத்திய அரசுக்கு எதிராகவும், பிரதமருக்கு எதிராகவும் கருத்துகளையும், போராட்டங்களையும் மேற்கொண்டு வருகிறாா். பல்வேறு ஊழல் குற்றச்சாட்டுக்கு உள்ளான காங்கிரஸ் கட்சி, வாக்குத் திருட்டு என்ற பொய்யான தகவலை பரப்பினால் மக்கள் அதனை ஏற்கப்போவதில்லை. பிரதமரை பற்றி பேசுவதற்கு ராகுல் காந்திக்கு தகுதியில்லை என்பதே உண்மை என அவா் தெரிவித்துள்ளாா். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
மத்திய அரசு மீது பொய்யான குற்றச்சாட்டுகளை தெரிவிக்கிறாா் ராகுல் காந்தி: கே.பி.ராமலிங்கம்
📅
📍 Tamil Nadu, Tamil Nadu
🏷️ Politics
✍️ TN24 Editorial Desk
🔗 Source: dinamani.com (original report) ↗
