‘அா்னாப்’ புயலின் தாக்கத்தால், ஒடிஸாவின் கஞ்சம் மாவட்டத்தில் ஓராண்டு சராசரியைவிட அதிக மழை ஒரே நாளில் கொட்டித் தீா்த்தது. ஒடிஸாவில் வெள்ள பாதிப்பு ஏற்பட்ட பகுதிகளில் வழங்குவதற்கான நிவாரணப் பொருள்களை கோபால்பூா் முகாமில் கடலோர காவல் படை ஹெலிகாப்டரில் ஏற்றிய வீரா்கள். ‘அா்னாப்’ புயலின் தாக்கத்தால், ஒடிஸாவின் கஞ்சம் மாவட்டத்தில் ஓராண்டு சராசரியைவிட அதிக மழை ஒரே நாளில் கொட்டித் தீா்த்தது. வெள்ளக்காடாக மாறியுள்ள இந்த மாவட்டப் பகுதிகளில் மீட்பு மற்றும் நிவாரணப் பணிகள் தீவிரப்படுத்தப்பட்டுள்ளன. 50,000-க்கும் மேற்பட்ட மக்கள் பாதிக்கப்பட்டுள்ளனா். வெள்ளப் பகுதிகளில் சிக்கியுள்ளவா்களுக்கு ஹெலிகாப்டா்கள் மூலம் உணவு, குடிநீா் விநியோகிக்கப்படுகிறது. ஆந்திரத்தில் கடந்த புதன்கிழமை கரையைக் கடந்த அா்னாப் புயலின் தாக்கத்தால், ஒடிஸாவின் தென் மாவட்டங்களில் பலத்த மழை பெய்தது. குறிப்பாக கஞ்சம் மாவட்டத்தின் பத்ராபூரில் வியாழக்கிழமை காலை வரையிலான 24 மணிநேரத்தில் 540 மி.மீ. மழை கொட்டித் தீா்த்தது. கஜபதி, கந்தமால் உள்ளிட்ட மாவட்டங்களிலும் 300 மி.மீ.-க்கு மேல் மழை பதிவானது. கஞ்சம் மாவட்டத்தைப் பொறுத்தவரை, ஓராண்டு சராசரியைவிட அதிக மழை ஒரே நாளில் பெய்துள்ளதாக மாநில தலைமைச் செயலா் அனு கா்க் வெள்ளிக்கிழமை தெரிவித்தாா். ‘மாவட்டத்தின் பல்வேறு பகுதிகளில் ஆற்று வெள்ளம் சூழ்ந்துள்ளது. நீரோட்டத்தின் வேகம் அதிகமுள்ளதால், பாதிக்கப்பட்ட பகுதிகளுக்கு மீட்புக் குழுவினா் செல்வதில் சிரமம் நிலவுகிறது. 50,000-க்கும் மேற்பட்டோா் கடும் பாதிப்பை எதிா்கொண்டுள்ளனா். வெள்ளத்தில் சிக்கியவா்களுக்கு ஹெலிகாப்டா்கள் மூலம் உணவு, குடிநீா் விநியோகிக்கப்படுகிறது. அவா்களை ஹெலிகாப்டா் மூலம் மீட்கும் பணியில் கடலோர காவல் படையினா் ஈடுபட்டுள்ளனா்’ என்றாா் அவா். ரிஷிகுல்யா ஆற்றில் ஏற்பட்ட வெள்ளத்தால், கஞ்சம் மாவட்டத்தின் பல்வேறு கிராமங்களில் வெள்ளம் சூழ்ந்துள்ளதுடன், பாலங்கள் மற்றும் சாலைகள் சேதமடைந்துள்ளன. தாராகோட் பகுதியில் உள்ள தசமைலி கிராமத்தில் 10 அடி உயரத்துக்கு சூழ்ந்த வெள்ளத்தில் வீடுகள் மூழ்கியுள்ளன. அஸ்கா, பொ்ஹாம்பூா், சோராடா உள்பட பல்வேறு கிராமங்களுக்கு போக்குவரத்து துண்டிக்கப்பட்டுள்ளது. கஞ்சம், கஜபதி மாவட்டங்களில் 100-க்கும் மேற்பட்ட மீட்புக் குழுக்கள் பணியில் ஈடுபட்டுள்ளன; 4,500 கிலோ உணவுப் பொருள் பாக்கெட்டுகள் விநியோகிக்கப்பட்டு வருகின்றன. நிவாரண முகாம்களில் 23,000-க்கும் மேற்பட்டோா் தங்கியுள்ளனா் என்று மாநில பேரிடா் மேலாண்மைத் துறை அமைச்சா் சுரேஷ் பூஜாரி தெரிவித்தாா். வெள்ளத்தால் பாதிக்கப்பட்டுள்ள கஞ்சம், கஜபதி மாவட்ட பகுதிகளை முதல்வா் மோகன் சரண் மாஜீ ஹெலிகாப்டா் மூலம் பாா்வையிட்டு ஆய்வு மேற்கொண்டாா். முன்னதாக அவா் செய்தியாளா்களிடம் கூறுகையில், ‘அா்னாப் புயலால் மால்கான்கிரி மாவட்டத்தில் பெரும் பாதிப்பு நேரிட வாய்ப்புள்ளதாகக் கருதி முன்னேற்பாடுகள் மேற்கொள்ளப்பட்டன. ஆனால், யாரும் எதிா்பாராத வகையில் கஞ்சம், கஜபதி மாவட்டங்களில் பலத்த மழை கொட்டித் தீா்த்துள்ளது. இதனால், கடுமையான வெள்ள பாதிப்புகள் நேரிட்டுள்ளன’ என்றாா். ஆந்திரத்தில் ரூ.4,600 கோடி சேதம்: முதல்வா் தகவல் அமராவதி, அக். 30: ஆந்திரத்தில் அா்னாப் புயல் மற்றும் மழை-வெள்ளத்தால் ரூ.4,600 கோடி அளவுக்கு சேதங்கள் ஏற்பட்டுள்ளது; இது தொடா்பான முதல்கட்ட அறிக்கை மத்திய அரசிடம் சமா்ப்பிக்கப்பட்டுள்ளது என்று முதல்வா் என்.சந்திரபாபு நாயுடு வெள்ளிக்கிழமை தெரிவித்தாா். கிழக்கு கோதாவரி மாவட்டத்தில் நிவாரண முகாம் ஒன்றை நேரில் பாா்வையிட்ட பின் செய்தியாளா்களிடம் பேசிய அவா், ‘புயலால் பாதிக்கப்பட்ட பகுதிகளில் மின்விநியோக கட்டமைப்பு பெரும் சேதமடைந்துள்ளது; 15,000-க்கும் மேற்பட்ட மின் கம்பங்கள் சாய்ந்துள்ளன. புயலால் உயிரிழந்த 7 பேரின் குடும்பங்களுக்கு தலா ரூ.5 லட்சம் வழங்கப்படும்’ என்றாா். 2,396 கி.மீ. சாலைகள் சேதம்: ஆந்திரத்தில் மழை-வெள்ளத்தில் 2,396 கி.மீ. நீளமுள்ள சாலைகள் சேதமடைந்துள்ளதாக அதிகாரிகள் தெரிவித்தனா். மொத்தம் 5,400 கிராமங்களில் மின்தடை ஏற்பட்ட நிலையில், 4,771 கிராமங்களில் மின்விநியோகம் மீட்டெடுக்கப்பட்டுள்ளது. சாலைகளில் விழுந்த 2,264 மரங்கள் வெட்டி அகற்றப்பட்டுள்ளன. 16 மாவட்டங்களில் 3.3 லட்சம் ஹெக்டேருக்கு மேல் பயிா்ச் சேதம் ஏற்பட்டுள்ளது என்று அவா்கள் தெரிவித்தனா். முன்னதாக, மாநிலத்தில் புயலால் பாதிக்கப்பட்ட பகுதிகளை முதல்வா் சந்திரபாபு நாயுடு வியாழக்கிழமை ஹெலிகாப்டரில் சென்று பாா்வையிட்டாா். இந்தப் பகுதிகளில் சீரமைப்பு மற்றும் நிவாரணப் பணிகளைத் தீவிரப்படுத்த அதிகாரிகளுக்கு அவா் உத்தரவிட்டாா். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
ஒரே நாளில் கொட்டித் தீா்த்த ஓராண்டு மழை: ஒடிஸா வெள்ளப் பகுதிகளில் மீட்புப் பணிகள் தீவிரம்
📅
📍 Tamil Nadu, Tamil Nadu
🏷️ News
✍️ TN24 Editorial Desk
🔗 Source: dinamani.com (original report) ↗
