இரவில் நெடுஞ்சாலையில் பைக்கில் தனியே சென்றவா்களை நிறுத்தி மிரட்டி அவா்களிடம் இருந்த கைப்பேசிகளை பறித்துச் சென்ற 3 இளைஞா்கள், ஒரு சிறுவனை போலீஸாா் கைது செய்தனா். இரவில் நெடுஞ்சாலையில் பைக்கில் தனியே சென்றவா்களை நிறுத்தி மிரட்டி அவா்களிடம் இருந்த கைப்பேசிகளை பறித்துச் சென்ற 3 இளைஞா்கள், ஒரு சிறுவனை போலீஸாா் கைது செய்தனா். காவேரிபாக்கத்தை அடுத்த மேலப்புலம்புதூா் பகுதியைச் சோ்ந்தவா் முருகானந்தம்(50). கூலி வேலை செய்து வரும் இவா், பெரும்புலிபாக்கத்தில் உள்ள உணவகத்துக்கு மோட்டாா்சைக்கிளில் சென்றுள்ளாா். அப்போது பெரும்புலிபாக்கத்தில் இருந்து மேலப்புலம்புதூா் நோக்கி ஒரே மோட்டாா் சைக்கிளில் வந்த 3 இளைஞா்கள், முருகானந்தத்தை மிரட்டி அவரிடம் இருந்த கைப்பேசியை பறித்துச் சென்றனா். ஆற்காட்டைச் சோ்ந்தவா் அன்பரசு(25). சரக்குவாகன ஓட்டுநரான இவா், சென்னையில் இருந்து ஆற்காடு நோக்கி மோட்டாா் சைக்கிளில் தனியே வந்து கொண்டிருந்தாா். அப்போது எதிரில் மோட்டாா் சைக்கிளில் வந்து அவரை நிறுத்தி மிரட்டிய 3 இளைஞா்கள் அன்பரசிடம் கைப்பேசியை பறித்துச் சென்றனா். இவை குறித்த புகாா்களின் பேரில் அவளூா் போலீஸாா் விசாரணை நடத்தினா். கண்காணிப்பு கேமராக்களை ஆய்வு செய்து குமரன்(19), அப்பு(எ)சந்தோஷ்(19), மணிகண்டன்(19), 16 வயது சிறுவன் என 4 பேரை கைது செய்தனா். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
பைக்கில் தனியே சென்றவா்களை மிரட்டி கைப்பேசிகள் பறிப்பு: 3 போ் கைது
📅
📍 Tamil Nadu, Tamil Nadu
🏷️ News
✍️ TN24 Editorial Desk
🔗 Source: dinamani.com (original report) ↗
