முதல்வர் ஜோசப் விஜய், திங்கள்கிழமை காலை புதுக்கோட்டை வந்தடைந்தது பற்றி... புதுக்கோட்டையில் முதல்வர் விஜய். அரசு விழாவில் பங்கேற்று, புதிய பேருந்து நிலையம், நவீன உள்விளையாட்டரங்கம் உள்ளிட்ட முடிவுற்ற திட்டப் பணிகளைத் திறந்து வைப்பதற்காக முதல்வர் ஜோசப் விஜய், திங்கள்கிழமை காலை புதுக்கோட்டை வந்தடைந்தார். சென்னையிலிருந்து தனி விமானம் மூலம் திருச்சி வந்த அவர் சாலை வழியாக புதுக்கோட்டைக்குப் புறப்பட்டார். புதுக்கோட்டை மாவட்ட எல்லையான மாத்தூரில் அவருக்கு தவெகவினர் சிறப்பான வரவேற்பு அளித்தனர். குறிப்பாக இந்தப் பகுதி விராலிமலை சட்டப்பேரவைத் தொகுதிக்குள் வருகிறது என்பதால், முன்னாள் அமைச்சரும் மேற்கு மாவட்ட தவெக செயலருமான சி. விஜயபாஸ்கர் ஏற்பாட்டில் ஏராளமானோர் திரண்டு வரவேற்பளித்தனர். இதேபோல, மண்டையூர், கீரனூர் பகுதிகளிலும் ஏராளமான பொதுமக்கள் திரண்டிருந்து முதல்வர் விஜய்க்கு வரவேற்பு அளித்தனர். இந்தப் பகுதிகளும் விராலிமலை சட்டப்பேரவைத் தொகுதிக்குள் வருவது குறிப்பிடத்தக்கது. தொடர்ந்து நார்த்தாமலை, சிப்காட் பகுதிகளில் மக்களின் வரவேற்பை ஏற்றுக் கொண்டு சுமார் ஒன்றரை மணி நேரப் பயணமாக புதுக்கோட்டை நகருக்குள் நுழைந்தார். அவருடன், அமைச்சர்கள் புஸ்ஸி ஆனந்த், ஆதவ் அர்ஜுனா, ஜா. முகமது பர்வேஸ் உள்ளிட்டோரும் வந்தனர். தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News உடனுக்குடன் செய்திகளை அறிய தினமணி App பதிவிறக்கம் செய்யவும். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
புதுக்கோட்டை வந்தார் முதல்வர் விஜய்
📅
📍 Tamil Nadu, Tamil Nadu
🏷️ Politics
✍️ TN24 Editorial Desk
🔗 Source: dinamani.com (original report) ↗
