யேமன் தலைநகர் மீதான சௌதி படைகள் நடத்திய தாக்குதலில் 22 பேர் கொல்லப்பட்டதாக ஹௌதிகள் அறிவிப்பு... சௌதி படைகள் நடத்திய தாக்குதலில் 22 பேர் பலி... - AFP யேமனின் சனா மாகாணத்தின் மீது சௌதி அரேபியாவின் படைகள் நடத்திய தாக்குதலில் பெண்கள், குழந்தைகள் உள்பட 22 பேர் கொல்லப்பட்டதாக, ஹௌதி படை அறிவித்துள்ளது. யேமனில், ஹௌதி கிளர்ச்சிப்படைக்கும், சௌதி அரேபியாவின் ஆதரவு பெற்ற அரசுப்படைகளுக்கும் இடையே கடந்த சில வாரங்களாக மோதல் வெடித்துள்ளது. மேலும், சௌதி அரேபியாவின் மீதும் ஹௌதிகள் தொடர்ந்து தாக்குதல் நடத்தி வருகின்றன. இந்த நிலையில், சனா மாகாணத்தின் அல்-ஷரியா பகுதியில் சௌதி படைகள் நடத்திய வான்வழித் தாக்குதலில் 22 பேர் கொல்லப்பட்டதாக, ஹௌதி படை இன்று (நவ. 7) அறிவித்துள்ளது. இந்தத் தாக்குதலில் கொல்லப்பட்ட பெரும்பாலானோர் பெண்கள் மற்றும் குழந்தைகள் எனக் கூறப்படும் நிலையில், சுமார் 30 பேர் படுகாயங்களுடன் சிகிச்சை பெற்று வருவதாகத் தெரிவிக்கப்பட்டுள்ளது. முன்னதாக, சௌதியின் ஆதரவுடன் செயல்பட்டு வரும் யேமனின் அரசுப்படைகள் ஹௌதிகளுக்கு எதிராக 40,761 ராணுவ நடவடிக்கைகள் மேற்கொண்டதாக அறிவித்துள்ளன. மேலும், இந்த நடவடிக்கைகள் மூலம், சுமார் 20,000 ஹௌதி வீரர்கள் கொல்லப்பட்டோ, படுகாயமடைந்தோ அல்லது வேறு ஏதேனும் வழிகளிலிலோ போர்க்களத்தில் இருந்து வெளியேற்றப்பட்டதாகக் கூறப்பட்டுள்ளது குறிப்பிடத்தக்கது. தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News உடனுக்குடன் செய்திகளை அறிய தினமணி App பதிவிறக்கம் செய்யவும். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
யேமனில் சௌதி படைகள் தாக்குதல்! பெண்கள், குழந்தைகள் உள்பட 22 பேர் பலி!
📅
📍 Tamil Nadu, Tamil Nadu
🏷️ News
✍️ TN24 Editorial Desk
🔗 Source: dinamani.com (original report) ↗
