பெண்கள் மற்றும் குழந்தைகளின் பாதுகாப்பு மற்றும் நலன் குறித்த விழிப்புணர்வை அதிகரிக்கும் நோக்கில், தமிழ்நாடு காவல்துறையின் சிங்கப்பெண் சிறப்பு அதிரடிப்படை (SSF) சார்பில் கல்லூரி மாணவர்களுக்கான மாநில அளவிலான குறும்படப் போட்டி அறிவிக்கப்பட்டுள்ளது. இளைஞர்களிடையே சமூகப் பொறுப்புணர்வை வளர்ப்பதோடு, பெண்கள் மற்றும் குழந்தைகளுக்கு எதிரான குற்றங்களைத் தடுப்பதில் அவர்களின் பங்களிப்பை ஊக்குவிப்பதே இப்போட்டியின் முக்கிய நோக்கமாகும் என்று தெரிவிக்கப்பட்டுள்ளது. பெண்கள் மற்றும் குழந்தைகளின் பாதுகாப்பை வலியுறுத்தி தமிழ்நாடு காவல்துறையின் ‘சிங்கப்பெண் சிறப்பு அதிரடிப்படை’ சார்பில் கல்லூரி மாணவர்களுக்கான மாநில அளவிலான குறும்படப் போட்டி அறிவிக்கப்பட்டுள்ளது. வெற்றிபெறும் மாணவர்களுக்கு ரூ.50,000 வரை பரிசுத்தொகை வழங்கப்படும். பெண்கள் மற்றும் குழந்தைகளின் பாதுகாப்பு மற்றும் நலன் குறித்த விழிப்புணர்வை அதிகரிக்கும் நோக்கில், தமிழ்நாடு காவல்துறையின் சிங்கப்பெண் சிறப்பு அதிரடிப்படை (SSF) சார்பில் கல்லூரி மாணவர்களுக்கான மாநில அளவிலான குறும்படப் போட்டி அறிவிக்கப்பட்டுள்ளது. இளைஞர்களிடையே சமூகப் பொறுப்புணர்வை வளர்ப்பதோடு, பெண்கள் மற்றும் குழந்தைகளுக்கு எதிரான குற்றங்களைத் தடுப்பதில் அவர்களின் பங்களிப்பை ஊக்குவிப்பதே இப்போட்டியின் முக்கிய நோக்கமாகும் என்று தெரிவிக்கப்பட்டுள்ளது. இது தொடர்பாக தமிழ்நாடு காவல்துறை தலைமை இயக்குநர் மற்றும் படைத் தலைவர் அலுவலகம் வெளியிட்டுள்ள செய்திக் குறிப்பில் தெரிவித்திருப்பதாவது: பெண்கள் மற்றும் குழந்தைகளுக்கு எதிரான குற்றங்களைத் தடுப்பது, பாதிக்கப்பட்டவர்களுக்கு உடனடி உதவி வழங்குவது மற்றும் பாதிப்புக்குள்ளாகக்கூடிய இடங்களில் காவல்துறையின் வெளிப்படையான செயல்பாட்டை வலுப்படுத்துவது ஆகியவற்றில் கவனம் செலுத்தும் வகையில், சிங்கப்பெண் சிறப்பு அதிரடிப்படை உருவாக்கப்பட்டுள்ளது. தமிழ்நாடு முழுவதும் பெண்கள் மற்றும் குழந்தைகளின் பாதுகாப்பு மற்றும் நலன் குறித்த அதிகளவிலான விழிப்புணர்வை ஏற்படுத்தும் நோக்கில் மேற்கொள்ளப்படும் முன்முயற்சிகளின் ஒரு பகுதியாக, தமிழ்நாடு காவல்துறையின் சிங்கப்பெண் சிறப்பு அதிரடிப்படை (SSF), தமிழ்நாடு முழுவதும் உள்ள பல்கலைக்கழகங்கள் மற்றும் கல்லூரி மாணவர்களுக்காக மாநில அளவிலான குறும்படப் போட்டியை நடத்துகிறது. இக்குறும்படப் போட்டியானது இளைஞர்களிடையே விழிப்புணர்வை ஏற்படுத்துவதிலும், பெண்கள் மற்றும் குழந்தைகளின் பாதுகாப்பை உறுதி செய்வதிலும், அவர்களுக்கு எதிரான குற்றங்களைத் தடுப்பதிலும் தங்களது பங்கு மற்றும் பொறுப்பை உண உணர அவர்களை ஊக்குவிப்பதை நோக்கமாகக் கொண்டுள்ளது. குறும்படங்கள் பின்வரும் தலைப்புகளில் ஏதேனும் ஒன்றை அடிப்படையாகக் கொண்டு இருக்க வேண்டும்: 1.பெண்களின் பாதுகாப்பில் ஆண்களின் பங்கு 2.குற்றச் சம்பவங்களைத் தடுப்பதில் பார்வையாளரின் (Bystander) தலையீடு 3.பெண்கள் மற்றும் குழந்தைகளுக்கு எதிரான குற்றங்களைத் தடுப்பதில் சமூகத்தின் பங்கு குறும்படங்கள் தமிழில் இருக்க வேண்டும் மற்றும் 2 நிமிடங்களுக்கு மிகாமல் இருக்க வேண்டும். பங்கேற்பு தனிநபராகவோ அல்லது 5 உறுப்பினர்களுக்கு மிகாமல் கொண்ட குழுவாகவோ இருக்க வேண்டும். பங்கேற்பாளர்கள் தங்களது குறும்படத்துடன், சம்பந்தப்பட்ட கல்வி நிறுவனத்திடமிருந்து பெறப்பட்ட உறுதிப்படுத்தும் சான்றிதழ் (Bonafide Certificate) மற்றும் முறையாகப் பூர்த்தி செய்யப்பட்ட பதிவுக்கான Google படிவத்தை "https://bit.ly/SSF-ShortFilmCompetition" என்ற இணைப்பில் சமர்ப்பிக்க வேண்டும். படைப்புகளைச் சமர்ப்பிப்பதற்கான கடைசி தேதி 10.10.2026 ஆகும். பரிசுத் தொகைகள்: முதல் பரிசு – ரூ.50,000/- இரண்டாம் பரிசு – ரூ.25,000/- மூன்றாம் பரிசு – ரூ.15,000/- பெண்கள் மற்றும் குழந்தைகளின் பாதுகாப்பு குறித்து விழிப்புணர்வை ஏற்படுத்தவும், அவர்களுக்கு எதிரான குற்றங்களைத் தடுப்பதில் சமூகப் பொறுப்புணர்வை மேம்படுத்தவும் பல்கலைக்கழகம் மற்றும் கல்லூரி மாணவர்களை ஊக்குவிப்பதே இப்போட்டியின் நோக்கமாகும். அனைத்து கல்லூரி மற்றும் பல்கலைக்கழக மாணவர்களும் இப்போட்டியில் பங்கேற்று, பெண்கள் மற்றும் குழந்தைகளின் பாதுகாப்பு குறித்த விழிப்புணர்வை ஏற்படுத்தும் வகையில் தங்களது படைப்பாற்றலை வெளிப்படுத்துமாறு கேட்டுக்கொள்ளப்படுகிறார்கள்.” என்று அறிவிக்கப்பட்டுள்ளது. Stay updated with the latest news headlines and all the latest Lifestyle news. Download Indian Express Tamil App - Android or iOS. A seasoned journalist with 10+ years of experience in print, digital, and broadcast media (Indian Express Tamil, Hindu Tamil, Jaya Plus). Currently a Senior Sub-Editor, he blends his M.A. in History with a deep commitment to news authenticity and social impact. As an active poet and short story writer, he brings a unique literary perspective to journalism. Expert in news verification and digital editorial. Highlights: 10+ Yrs Exp M.A. History Poetry & Fiction writer இந்தக் கட்டுரையைப் பகிரவும் இந்த கட்டுரை உங்களுக்கு பிடித்திருந்தால் உங்கள் நண்பர்களுடன் பகிரவும்அவர்கள் பின்னர் நன்றி சொல்வார்கள்
பெண்கள் பாதுகாப்பிற்கு உங்கள் கேமரா பேசட்டும்: மாநில அளவில் குறும்படப் போட்டி: 'சிங்கப்பெண் அதிரடிப்படை' அறிவிப்பு
📅
📍 Tamil Nadu, Tamil Nadu
🏷️ News
✍️ TN24 Editorial Desk
