‘நடிகர்’ (The Actor) நாவல் மூலம், உண்மையாக மாறக்கூடிய ஒரு நாட்டின் பயணத்தை அரசியல் புனைகதையாக மாற்றியுள்ளார் மூத்த பத்திரிகையாளரும் 'தி இந்தியன் எக்ஸ்பிரஸ்' பத்தியாளருமான தவ்லீன் சிங். நடிகர் என்பது பத்தியாளர் தவ்லீன் சிங்கின் முதல் அரசியல் புனைகதைப் படைப்பாகும். Photograph: (Haper Collins India , enhanced with AI) எழுதியவர்: ஐஸ்வர்யா கோஸ்லா பத்திரிகையாளரும் பத்தி எழுத்தாளருமான தவ்லீன் சிங் தனது வாழ்க்கைக் காலம் முழுவதையும் உண்மைச் சம்பவங்களைக் கையாள்வதிலேயே செலவிட்டுள்ளார். இப்போது, முதன்முறையாக, அவர் அரசியல் புனைகதைக்கு மாறியுள்ளார் - எதிர்கால இந்தியாவை அவர் கற்பனை செய்து வரைந்திருப்பது அச்சமூட்டும் வகையில் நிஜத்தை முன்னறிவிப்பது போல் உள்ளது. "இது உங்களுக்கு ஆச்சரியத்தை அளிக்கலாம் அல்லது அளிக்காமலும் போகலாம். இந்தச் சூழலில் அரசியல் புனைகதை எழுதுவது, அரசியல் சார் உண்மையியல் புத்தகங்களை எழுதுவதை விட எளிதாக இருக்கிறது," என்கிறார் சிங். 'மெஸ்ஸையா மோடி' (Messiah Modi), 'தர்பார்' (Durbar) மற்றும் 'காஷ்மீர்: தவறுகளால் நேர்ந்த துயரம்' (Kashmir: A Tragedy of Errors) ஆகியவை இவரது பிற முக்கிய நூல்களாகும். ஆங்கிலத்தில் படிக்க: 'தி ஆக்டர்' நாவல் "தீவிர மதவாதம் நோக்கி நகரும்" ஒரு இந்தியாவைக் கற்பனை செய்கிறது. அதன் பிரதமர் 'குருஜி', தொடவே முடியாத அளவுக்குப் பிரம்மாண்டமான ஒரு ஆளுமையாகச் சித்தரிக்கப்படுகிறார். இமயமலைக் குகையில் வாழ்ந்த முன்னாள் யோகா குருவான அவர், நான்கு முறை பிரதமராகத் தேர்ந்தெடுக்கப்பட்டுள்ளார். அவருக்குக் குடும்பமோ, நண்பர்களோ இல்லை. நாட்டின் நலன் ஒன்றே தனது நோக்கம் என்று வலியுறுத்தும் அதேவேளையில், அவருடைய சகாக்கள் 'கார்டியர்' பிராண்ட் கண்ணாடி அணிந்திருப்பதை அவர் பொருட்படுத்துவதில்லை. இந்த உலகத்திற்குள் பாலிவுட் சூப்பர் ஸ்டார் அமித் சிங் தற்செயலாக நுழைகிறார். தொடர்ச்சியாக மூன்று திரைப்படங்கள் தோல்வியடைந்ததால், சரிந்து வரும் தனது திரையுலக வாழ்க்கையை மீட்கும் வாய்ப்பைத் தேடுகிறார். அப்போது, மதச்சார்பற்ற கொள்கையின் அடிப்படையில் ஓர் எதிர்கட்சியை உருவாக்க முயலும் அவருடைய சிறுவயது நண்பனும், இரண்டு முறை எம்பியாக இருந்தவருமான நரேஷ் கண்ணா, அவரை அரசியலுக்கு அழைக்கிறார். குருஜி என்ற கதாபாத்திரம் தற்போதைய எந்தவொரு அரசியல்வாதியைப் பற்றியதும் அல்ல என்று தவ்லீன் சிங் திட்டவட்டமாக கூறுகிறார். "இது உண்மையிலேயே நான் உருவாக்கிய ஒரு கதாபாத்திரம். ஏனெனில் இந்த நாவலின் கதைக்களம் எதிர்காலத்தில் அமைக்கப்பட்டிருக்கிறது என்பதை மறந்துவிடாதீர்கள்," என்கிறார். புல்டோசர் நீதி, சாதிய வன்முறை மற்றும் அதைப் பாதுகாக்கும் அரசு இயந்திரம், இந்து-முஸ்லிம் பிரிவினையின் இரு பக்கங்களிலும் உள்ள தீவிரவாதம், ஜிஹாத் மற்றும் இந்துத்துவா மொழிகள், எதிர்க்கட்சிகளுக்கு எதிராகப் பாப்புலிஸ்டுகள் (பிரபலமானவர்கள்) ஏவும் 'மேல்தட்டுவாதம்' மற்றும் 'வெளிநாட்டு ஆதரவு' என்ற குற்றச்சாட்டுகள், மற்றும் குடும்பத் தொழிலாக மாறிப்போன அரசியல் வர்க்கம் என நாட்டைப் பிளவுபடுத்தும் அனைத்துக் கோடுகளின் பட்டியலாகவும் இந்த நாவல் அமைந்திருக்கிறது. "நாம் இதே பாதையில் தொடர்ந்து பயணித்தால், எனது கற்பனை இந்தியா நிஜமாக மாறுவதற்கு இன்னும் அதிகபட்சம் 10 ஆண்டுகள் தான் ஆகும்" என்கிறார் தவ்லீன் சிங். மத அரசியலில் நாட்டின் கவனம் குவிந்திருப்பது, நாட்டின் போட்டியிடும் திறனை நேரடியாகப் பாதித்துள்ளதாக அவர் நம்புகிறார். "இந்தியாவிற்கு இதனால் ஏற்பட்ட பாதிப்புகளை நான் நேரடியாகப் பார்த்திருக்கிறேன். உத்தரப்பிரதேசத்தில் மக்கள் மாட்டுக்கறி சாப்பிடுவதைப் பற்றியும், இறைச்சிக் கடைகளை மூடுவதைப் பற்றியும், கலவரம் செய்வதைப் பற்றியும், முஸ்லிம்களை இரண்டாம் தரக் குடிமக்களாக உணர வைப்பதைப் பற்றியும் நாம் கவலைப்பட்டுக் கொண்டிருந்த நேரத்தில், சீனா என்ன செய்து கொண்டிருந்தது? அது தனது செயற்கை நுண்ணறிவு (ஏ.ஐ) திறன்களை மேம்படுத்திக் கொண்டிருந்தது. நம்மிடம் சிறந்த மென்பொருள் பொறியாளர்கள் உள்ளனர்; அதை நாமே செய்வதற்கான அனைத்து வளங்களும் உள்ளன, ஆனால் நாம் அதைச் செய்யவில்லை," என்கிறார். இந்த நாவலில் வரும் இந்தியா, எமர்ஜென்சி போன்ற சட்டங்களை இயற்றாமலேயே, பத்திரிகையாளர்களையும் மாணவர் ஆர்வலர்களையும் விசாரணையின்றி பல ஆண்டுகள் சிறையில் அடைக்க அனுமதிக்கும் சட்டங்கள் மூலம் விமர்சகர்களின் குரலை ஒலுக்குகிறது. இந்த கற்பனை இந்தியாவில், சாதாரண வாக்காளர்கள் நடப்பதையெல்லாம் பார்க்கிறார்கள், இந்தியாவின் மதச்சார்பற்ற கட்டமைப்பு சிதைவதைக் கண்டு அதிர்ச்சியடைகிறார்கள், ஆனால் அதே அரசு வழங்கும் இலவசங்கள் மற்றும் நலத்திட்ட உதவிகளுக்காக இந்த அடக்குமுறைகளைப் பொறுத்துக் கொள்கிறார்கள். 'தி ஆக்டர்' என்று பெயரிடப்பட்டிருக்கும் இந்த நாவல், நடிகர்களும் அரசியல்வாதிகளும் ஒரே மாதிரியான திறமையையே பயன்படுத்துகிறார்கள் என்பதை உணர்த்துகிறது. தற்செயலாக அரசியலுக்கு வரும் ஒரு நடிகரை ஏன் கதாநாயகனாகத் தேர்ந்தெடுக்க வேண்டும்? திலீப் குமாரின் குறுகிய கால அரசியல் முயற்சி முதல் அமிதாப் பச்சன், ராஜேஷ் கண்ணா மற்றும் வினோத் கண்ணா ஆகியோரின் அரசியல் வாழ்க்கை வரை, பாலிவுட் நட்சத்திரங்கள் அரசியல்வாதிகளாக மாறுவது எப்போதும் தன்னை ஈர்த்திருப்பதாகக் கூறுகிறார் சிங். "அரசியல்வாதிகள் அடிப்படையில் நடிகர்கள்" என்பதற்கும், மேடையைக் கைப்பற்றத் தெரியாத தலைவர்கள் உண்மையான பின்னடைவைச் சந்திப்பார்கள் என்பதற்கும் இதுவே சான்று என்கிறார். திரைப்பட நட்சத்திரங்கள் பெரும்பாலான அரசியல்வாதிகளை விட அதிக அதிகாரம் கொண்டவர்கள் என்கிறார் சிங். "அம்பானி போன்ற பெரும் பணக்காரர்கள் கூட கூட்டத்தைக் கூட்ட தங்களின் நிகழ்வுகளுக்குத் திரை நட்சத்திரங்களையே எதிர்பார்க்கிறார்கள். தற்போதைய அமெரிக்கா கூட ஒரு ரியாலிட்டி டிவி நட்சத்திரத்தால் தான் வழிநடத்தப்படுகிறது என்பதை மறந்துவிடாதீர்கள். அவர் எப்போதும் தமக்கு விசுவாசமான, தோற்றப் பொலிவு கொண்ட நபர்களையே தேர்ந்தெடுக்கிறார்," என்கிறார். தான் நாவலில் எழுதிய பல விஷயங்கள் நிஜ வாழ்க்கையில் நடப்பதைக் கண்டு அதிர்ச்சியடைந்ததாகச் சொல்கிறார் சிங். 'காக்ரோச் ஜனதா கட்சி' உருவானது அல்லது நடிகர் விஜய்யின் அரசியல் எழுச்சி போன்ற, நாவலை எழுதி முடித்த பின் நிஜத்தில் நடந்த பல சம்பவங்களின் நிழல்கள் இதில் உள்ளன. அதேபோல், நரேஷ் உத்தரப்பிரதேசம் மற்றும் பீகாரின் கிராமப்புறங்களில் மேற்கொள்ளும் பயணங்கள், அரசியல் மூலோபாயவாதி பிரஷாந்த் கிஷோர் நாட்டின் பிரச்சனைகளைப் படிக்க இரண்டு ஆண்டுகள் செய்த பயணத்தை அடிப்படையாகக் கொண்டு வடிவமைக்கப்பட்டது என்கிறார். இ நாவலின் சுவாரசியமான கதாபாத்திரங்களில் ஒன்று 'மாயா' எனும் அரசியல் நிருபர். பாலிவுட்டின் அரைகுறை உரையாடல்களுக்குள் பாதுகாப்பாக இருக்கும் அமித்திற்கு, அரசியல் அறியாமையைப் போக்கும் வழிகாட்டியாக மாறுகிறார். காலப்போக்கில், அவனுக்கான காதலியாகவும் மாறுகிறார். அவர்களின் காதல் விவகாரம் நாவலின் அரசியலை விட வெளிப்படையாக எழுதப்பட்டுள்ளது. டெல்லி விருந்துகளில் அமித்திடம் பகிரங்கமாகச் ரொமான்ஸ் செய்யும், முன்னாள் மகாராணியும் தற்போதைய அரசியல்வாதியுமான ஒரு பெண்ணைப் பற்றிய துணைக் கதையும் இதில் உண்டு. ஒரு காட்சியில், அவளுடைய தனிப்பட்ட குளியலறையின் பொய் மேல்கூரையின் பின்னால் மறைத்து வைக்கப்பட்டிருந்த பணக்கட்டுகளை அமித் தற்செயலாகக் கண்டெடுக்கிறார். மாயா என்பது தவ்லீன் சிங்கின் சொந்தக் குரலா என்று கேட்டதற்கு, "கட்டாயமாக அப்படி இருக்க வேண்டியதில்லை, ஆனால் நிச்சயமாக அதில் என்னுடைய சில கருத்துக்கள் உள்ளன" என்கிறார். லூடியன்ஸ் டெல்லியில் பத்தாண்டுகளாகத் தான் அறிந்த செய்தியாளர்கள் மற்றும் சமூகப் பிரபலங்களின் கலவையே இந்தத் தைரியமான பத்திரிகையாளர் கதாபாத்திரம் என்கிறார். நரேஷ் போன்ற ஒரு நிஜ வாழ்க்கை சீர்திருத்தவாதியை அரசாங்க இயக்கம் இறுதியில் தடுத்து நிறுத்துமா என்ற கேள்விக்கு, தவ்லீன் சிங் நம்பிக்கையுடன் பதிலளிக்கிறார். "வாக்காளர்கள் மாறிவிட்டார்கள். வாக்கிற்காகத் தங்களுக்கு லஞ்சம் கொடுக்கப்படுவதை அவர்களால் பார்க்க முடிகிறது; இதனால் எதுவும் மாறப்போவதில்லை என்பதையும் அவர்களால் உணர முடிகிறது," என்கிறார். ஒருவேளை இந்தப் புத்தகத்தைப் படித்தால் கற்பனை குருஜி என்ன செய்வார் - தடை செய்வாரா, புறக்கணிப்பாரா, அல்லது தேநீர் கொடுத்து செல்ஃபி எடுக்க அழைப்பாரா? "அவரது எதிர்வினை வருமான வரித் தாக்குதலாக இருக்காது, மாறாக ஒரு துப்பாக்கித் தோட்டாவாகவே இருக்கும்," என்கிறார். ஆளும் வர்க்கத்தைப் பகைத்துக் கொள்வதன் விளைவுகளைச் தவ்லீன் சிங் நேரில் அனுபவித்தவர். பிரதமர் நரேந்திர மோடியை விமர்சித்து 'டைம்' (Time) இதழின் அட்டைப்படக் கட்டுரையை எழுதிய பிறகு, அவரது மகனும் எழுத்தாளருமான ஆதீஷ் தசீரின் 'இந்தியக் கடல்கடந்த குடியுரிமை' (ஓ.சி.ஐ) அந்தஸ்து 2019-இல் ரத்து செய்யப்பட்டது. அதன்பிறகு, தாயையும் நோயுற்ற வளர்ப்புத் தந்தையையும் சந்திக்க சாதாரண விசா கோரி தசீர் செய்த விண்ணப்பங்களும் நிராகரிக்கப்பட்டன. இந்த நாவலின் தொடர் பாகத்தை (Sequel) எழுதுவது குறித்து இன்னும் யோசிக்கவில்லை என்றாலும், அதற்கான கதவை அவர் திறந்தே வைத்துள்ளார். "நரேஷ் பிழைப்பாரா அல்லது இறந்துவிடுவாரா என்பது நமக்குத் தெரியாது. அவர் மருத்துவமனையில் இருக்கிறார், ஆனால் புத்தகத்தின் முடிவில் இன்னும் உயிரோடுதான் இருக்கிறார்... மதம் அரசியலுக்குள் அதிகமாகக் கொண்டுவரப்படுவதால் இந்தியா மாறுவதை நான் பார்த்திருக்கிறேன். அதனால் தான் இதை எழுத வேண்டிய அவசியம் எனக்கு ஏற்பட்டது," என்று கூறி முடிக்கிறார். Stay updated with the latest news headlines and all the latest Lifestyle news. Download Indian Express Tamil App - Android or iOS. அறிமுகம் இந்தியன் எக்ஸ்பிரஸ் தமிழ் வெப் டெஸ்க் என்பது பல துறை பத்திரிகையாளர்களைக் கொண்ட ஒரு குழுவாகும். இந்த குழு உலகம் முழுவதும் 24 மணி நேரமும் நடக்கும் செய்திகள் மற்றும் நிகழ்வுகளை செய்தியாக தமிழில் அளிக்கும். இது இந்தியன் எக்ஸ்பிரஸ் தமிழ் ஆன்லைன் வெப் டெஸ்க்கால் சரிபார்க்கப்பட்ட செய்திகளின் நம்பகமான மூலமாகும். இந்த வெப் டெஸ்க் அரசியல், வணிகம், தேசிய மற்றும் சர்வதேச நிகழ்வுகள் மற்றும் இந்தியா முழுவதிலுமிருந்து தினசரி முக்கிய செய்திகள் குறித்த நேரலைப் பதிவுகள் மற்றும் புதுப்பிப்பிக்கப்பட்ட தகவல்களை உங்களுக்கு வழங்குகிறது. நிபுணத்துவம் பல் துறை செய்தி நிபுணத்துவம்: முக்கிய செய்திகளின் நேரலைப் பதிவுகள் முதல் விரிவான ஊடக அறிக்கைகள் வரை நிகழ்நேரத்தில் டிஜிட்டல் மூலம் செய்திகளை அளிப்பதில் வெப் டெஸ்க் குழு நிபுணத்துவம் பெற்றது. பரந்த அளவிலான கவரேஜ்: இந்த வெப் டெஸ்க் பல்வேறு முக்கியமான துறைகளில் விரிவான நிபுணத்துவத்தைக் கொண்டுள்ளது, அவற்றுள்: அரசியல்: தமிழக அரசியல், சட்டமன்ற நிகழ்வுகள், இந்திய பாராளுமன்ற நிகழ்வுகள் மற்றும் தேசிய மற்றும் சர்வதேச அரசியல் செய்திகளை வழங்குதல். தேசிய & சர்வதேச நிகழ்வுகள்: பல்வேறு மாநிலங்களில் உள்ள உள்ளூர் பிரச்சனைகள் முதல் உலகளாவிய பாதுகாப்பு நிலவரங்கள் மற்றும் சர்வதேச விசாரணைகள் வரையிலான செய்திகளை வழங்குதல். தொழில்நுட்பம் & ஏ.ஐ: புதிய செயற்கை நுண்ணறிவு, சாஃப்ட்வேர் அப்டேட்கள் மற்றும் வளர்ந்து வரும் டிஜிட்டல் மீடியா நிலப்பரப்பில் நிபுணர்களின் சமீபத்திய புதுப்பிப்புகளை வழங்குதல். வாழ்க்கை முறை மற்றும் மன ஆரோக்கியம்: சமூகப் போக்குகள், சுகாதார சவால்கள் மற்றும் தனிப்பட்ட நல்வாழ்வு குறித்த நுணுக்கமான தகவல்களை வழங்குதல். கல்வி & வேலை வாய்ப்பு: பள்ளி, கல்லூரிகளுக்கான தகவல்கள் முதல் நீட், ஜே.இ.இ போன்ற தேர்வுகள் வரையிலான கல்வி செய்திகளையும், டி.என்.பி.எஸ்.சி, ரயில்வே, வங்கி தேர்வுகள் மற்றும் தமிழகம் மற்றும் இந்திய அளவிலான வேலை வாய்ப்பு குறித்த சமீபத்திய வேலை வாய்ப்பு தகவல்களையும் வழங்குதல். நம்பகத்தன்மை இந்தியன் எக்ஸ்பிரஸ் தமிழின் ஒருங்கிணைந்த பகுதியாக, வெப் டெஸ்க் "தைரியமான ஊடகவியல்" என்ற மரபின் கீழ் செயல்படுகிறது. ஒவ்வொரு செய்தியும் இந்தியன் எக்ஸ்பிரஸ் ஆன்லைன் டெஸ்க்கால் சரிபார்க்கப்பட்ட செய்திகளின் நம்பகமான மூலமாகும். இந்த கடுமையான சரிபார்ப்பு செயல்முறை, நிகழ்நேரத்தில் செய்திகளை அளிப்பதில் ஒருபோதும் உண்மை துல்லியம் அல்லது பத்திரிகை நேர்மையை இழக்காமல் இருப்பதை உறுதி செய்கிறது. வெப் டெஸ்க் அனுபவம் இந்தியன் எக்ஸ்பிரஸ் தமிழ் வெப் டெஸ்க் 8 ஆண்டுகள் அனுபவம் கொண்டது. இந்தக் கட்டுரையைப் பகிரவும் இந்த கட்டுரை உங்களுக்கு பிடித்திருந்தால் உங்கள் நண்பர்களுடன் பகிரவும்அவர்கள் பின்னர் நன்றி சொல்வார்கள்
‘இன்னும் அதிகபட்சம் 10 ஆண்டுகள் தான்’: இந்தியாவின் எதிர்காலத்தைக் கற்பனை செய்யும் மூத்த பத்திரிகையாளர் தவ்லீன் சிங்
📅
📍 Tamil Nadu, Tamil Nadu
🏷️ Entertainment
✍️ TN24 Editorial Desk
