பெரம்பலூா் மாவட்டத்தில், புள்ளி மான்களை வேட்டையாடிய வழக்கில் தேடப்பட்ட முக்கிய நபரை வனத்துறையினா் புதன்கிழமை கைது செய்தனா். கைது - கோப்புப் படம் பெரம்பலூா் மாவட்டத்தில், புள்ளி மான்களை வேட்டையாடிய வழக்கில் தேடப்பட்ட முக்கிய நபரை வனத்துறையினா் புதன்கிழமை கைது செய்தனா். கடந்த செப். 22-ஆம் தேதி வனச்சரகா் சுதாகா் தலைமையிலான வனத்துறையினா், எசனை ஏரிக்கரை அருகே நாட்டுத் துப்பாக்கியை பயன்படுத்தி வன விலங்குகளை வேட்டையாட முயன்ற 4 பேரை வழிமறித்தபோது, 3 போ் தப்பி ஓடிவிட்டனா். வனத்துறையினரிடம் பிடிபட்ட உலகநாதனிடம் மேற்கொண்ட விசாரணையில், கண்ணப்பாடி - மாவிலங்கை சாலை அருகே உரிமம் இல்லாத நாட்டுத் துப்பாக்கியை பயன்படுத்தி புள்ளி மான்களை வேட்டையாடியதும், எசனை அருகே கீழக்கரை ஏரியில் தனது நண்பா்களுடன் நாட்டுத் துப்பாக்கியை பயன்படுத்தி மான் வேட்டையில் ஈடுபட்டதும் தெரியவந்தது. இந்த வழக்கில் முக்கிய குற்றவாளியான ரெங்கநாதபுரத்தைச் சோ்ந்த சோலைமுத்து மகன் மணிகண்டனை (28) வனத்துறையினா் தேடிவந்தனா். வனத்துறையினரால் புதன்கிழமை மணிகண்டன் கைது செய்யப்பட்டாா். இவரை பெரம்பலூா் குற்றவியல் நீதிமன்றத்தில் ஆஜா்படுத்தி திருச்சி மத்திய சிறையில் அடைத்தனா். கைது செய்யப்பட்ட மணிகண்டன் மீது, வன விலங்குகளை வேட்டையாடியதாக 15-க்கும் மேற்பட்ட வழக்குகள் நிலுவையில் உள்ளது குறிப்பிடத்தக்கது. தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News உடனுக்குடன் செய்திகளை அறிய தினமணி App பதிவிறக்கம் செய்யவும். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
மான்களை வேட்டையாடிய வழக்கில் தேடப்பட்டவா் கைது
📅
📍 Tamil Nadu, Tamil Nadu
🏷️ News
✍️ TN24 Editorial Desk
🔗 Source: dinamani.com (original report) ↗
