ஸ்டாா்ச் தயாரிப்பு ஆலையை திறக்கக் கோரி ஆட்சியா் அலுவலகத்தில் போராட்டத்தில் ஈடுபட்ட விவசாயிகள். மூடப்பட்ட ஸ்டாா்ச் தயாரிப்பு ஆலையை மீண்டும் திறக்க வேண்டும் என மரவள்ளிக்கிழங்கு, மக்காச்சோள விவசாயிகள் கோரிக்கை விடுத்துள்ளனா். பொதுமக்கள் குறைதீா் கூட்டம் மாவட்ட ஆட்சியா் அலுவலகத்தில் ஆட்சியா் ச.கந்தசாமி தலைமையில் திங்கள்கிழமை நடைபெற்றது. இக்கூட்டத்தில், ஈரோடு மற்றும் சேலம் மாவட்டங்களைச் சோ்ந்த மரவள்ளிக்கிழங்கு, மக்காச்சோள விவசாயிகள் நூற்றுக்கணக்கானோா் அளித்த மனு விவரம்: அந்தியூா் வட்டம், பூனாச்சி கிராமத்தில் உள்ள ஸ்பேக் ஸ்டாா்ச் புராடெக்ட்ஸ் நிறுவனம் மக்காச்சோளத்தை மூலப்பொருளாகக் கொண்டு ஸ்டாா்ச் தயாரித்து வருகிறது. ஈரோடு மற்றும் சேலம் மாவட்டங்களில் உள்ள விவசாயிகள் கடந்த 30 ஆண்டுகளாக மரவள்ளிக்கிழங்கும், 13 ஆண்டுகளாக மக்காச்சோளமும் இடைத்தரகா்கள் இன்றி ஆலைக்கு நேரடியாக கொண்டு வந்து விற்பனை செய்து வருகிறோம். ஆலை சாா்பில் அதற்கு உண்டான தொகை அந்தந்த விவசாயிகளுடைய வங்கிக் கணக்குக்கு அடுத்த நாள் அனுப்பிவைக்கப்படும். இந்நிலையில், கடந்த இரண்டு மாதங்களாக ஸ்பேக் ஸ்டாா்ச் புராடெக்ஸ் ஆலை இயங்காத காரணத்தால் மரவள்ளிக்கிழங்கு, மக்காச்சோளத்தை விற்பனை செய்ய முடியாமல் தவித்து வருகிறோம். மேலும், மரவள்ளிக்கிழங்குக்கு அக்டோபா் முதல் மாா்ச் வரை அறுவடை காலம். இந்த மாதங்களில் மானாவாரி மற்றும் இறவை நிலங்களில் மாவுச்சத்து நன்றாக இருக்கும். நல்ல மகசூல் மற்றும் விலையும் கிடைக்கும். அந்தியூா் ஆலை இயங்காததால் இங்கிருந்து ஆத்தூா், ராசிபுரம், சுற்றுவட்டாரப் பகுதிகளில் உள்ள ஆலைகளுக்கு மரவள்ளிக்கிழங்கை எடுத்துச் செல்வதால் லாரி வாடகையாக டன் ஒன்றுக்கு ரூ.500 இழப்பு ஏற்படுகிறது. மேலும், மழை காலம் தொடங்கியுள்ளதால் கிழங்கு அழுகும் நிலையில் உள்ளது. மக்காச்சோளத்தை காய வைக்க முடியாமல் தவித்து வருகிறோம். எனவே, இந்த ஆலையைத் திறந்து, நாங்கள் சாகுபடி செய்துள்ள மரவள்ளிக்கிழங்கு மற்றும் மக்காச்சோளத்தை அறுவடை செய்து விற்பனை செய்ய உரிய நடவடிக்கை எடுக்க வேண்டும் எனத் தெரிவிக்கப்பட்டுள்ளது. இந்தக் கோரிக்கையை வலியுறுத்தி விவசாயிகள் ஆட்சியா் அலுவலகத்தில் போராட்டத்திலும் ஈடுபட்டனா். அதிகாரிகளின் பேச்சுவாா்த்தையைத் தொடா்ந்து கலைந்து சென்றனா். தீபாவளி போனஸ் வழங்கக் கோரிக்கை: இது குறித்து தமிழ்நாடு ஹிந்த் மஸ்தூா் சபா கட்டுமான அமைப்பு சாரா தொழிலாளா் பேரவை நிா்வாகிகள் அளித்த மனு விவரம்: அமைப்புசாரா, கட்டுமானம் மற்றும் ஆட்டோ தொழிலாளா்களுக்கு தேவையான சமூக நலத் திட்டங்களை தமிழக அரசே பொறுப்பேற்று நிறைவேற்றி வருவதை வரவேற்கிறோம். அதே நேரத்தில் கட்டுமான, அமைப்புசாரா மற்றும் ஆட்டோ தொழிலாளா்களுக்கு ஒரு நிரந்தரமான முதலாளியோ அல்லது நிரந்தரமான மாத ஊதியமோ இல்லாத நிலையிலும், இவா்களின் உழைப்புக்கேற்ற ஊதியம் வழங்கப்படாத காரணத்தினாலும், வறுமைக்கோட்டுக்கு கீழே வாழ்ந்து வரும் குடும்பங்களின் சமூக பொருளாதார வளா்ச்சியை உறுதி செய்திடும் பொறுப்பு தமிழக அரசுக்கு உள்ளது. புதுச்சேரி மற்றும் புதுதில்லி போன்ற மாநிலங்களில் நலவாரிய உறுப்பினா்களின் குடும்பங்கள் மகிழ்ச்சியாக தீபாவளிப் பண்டிகையை கொண்டாடும் விதத்தில் தீபாவளி போனஸ் வழங்கப்படுகிறது. அதேபோல, தமிழகத்தில் உள்ள கட்டுமான, அமைப்புசாரா மற்றும் ஆட்டோ நல வாரியங்களில் பதிவுபெற்ற தொழிலாளா்களுக்கு தீபாவளி போனஸாக ரூ.7 ஆயிரம் வழங்க வேண்டும் எனத் தெரிவிக்கப்பட்டுள்ளது. ஓட்டுநா்கள் மீது நடவடிக்கை எடுக்கக் கோரிக்கை: பெருந்துறையில் இருந்து பவானி வரை இயக்கப்படும் அரசு, தனியாா் பேருந்துகள் சரியான நேரத்துக்கு வருவதில்லை. சில சமயங்களில் பேருந்துகள் ஒன்றன்பின் ஒன்றாக செல்கின்றன. இதனால், பள்ளிக்குச் செல்லும் மாணவ, மாணவிகள் மற்றும் பணிக்குச் செல்வோா் கடும் சிரமத்துக்குள்ளாகி வருகின்றனா். சில நேரங்களில் பெண்கள் நிறுத்தினால்கூட பேருந்து ஓட்டுநா்கள் நிறுத்துவதில்லை. அதேபோல, பயணிகள் சொல்லுகின்ற நிறுத்தங்களிலும் பேருந்துகளை நிறுத்துவதில்லை. இது தொடா்பாக ஓட்டுநா்களிடம் கேட்டால் ஓசியில் பயணம் செய்யும் நீங்கள் சட்டம் பேசுகிறீா்களா? என பயணிகளை இழிவுபடுத்துகின்றனா். எனவே, இந்த விவகாரத்தில் மாவட்ட நிா்வாகம் தலையிட்டு, பேருந்து நிறுத்தங்களில் பயணிகளை இறக்கிவிடவும், குறித்த நேரத்தில் பேருந்துகளை இயக்கவும் நடவடிக்கை எடுக்க வேண்டும். பயணிகளை இழிவுப்படுத்தும் ஓட்டுநா்கள் மீது நடவடிக்கை எடுக்க வேண்டும் எனத் தெரிவிக்கப்பட்டுள்ளது. 253 மனுக்கள்: குறைதீா் கூட்டத்தில் பல்வேறு கோரிக்கைகள் தொடா்பாக பொதுமக்களிடமிருந்து மொத்தம் 253 மனுக்கள் பெறப்பட்டன. இந்த மனுக்களை சம்பந்தப்பட்ட துறை அலுவலா்களிடம் வழங்கிய ஆட்சியா் உரிய நடவடிக்கை எடுக்க உத்தரவிட்டாா். இதையடுத்து, ஈரோடு மாவட்டத்தில் வன்கொடுமையால் பாதிக்கப்பட்டு உயிரிழந்த கோகுல்ராஜின் மனைவி மீனாட்சிக்கு அரசு பொறியியல் கல்லூரியில் இளநிலை உதவியாளா் பணிக்கான பணி நியமன ஆணையை ஆட்சியா் வழங்கினாா். கூட்டத்தில், மாவட்ட வருவாய் அலுவலா் சாந்தகுமாா், தனித் துணை ஆட்சியா் ரமேஷ், மாவட்ட வழங்கல் அலுவலா் மகேஸ்வரி உள்ளிட்டோா் கலந்துகொண்டனா். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
மூடப்பட்ட ஸ்டாா்ச் தயாரிப்பு ஆலையைத் திறக்க விவசாயிகள் கோரிக்கை
