டாபர் இந்தியா அதன் ஒருங்கிணைந்த நிகர லாபம் 12.09 சதவீதம் அதிகரித்து ரூ. 498.57 கோடியாக இருப்பதாக இன்று அறிவித்தது. டாபர் இந்தியா லிமிடெட் புதுதில்லி: உள்நாட்டு நுகர்வோர் பொருட்கள் நிறுவனமான டாபர் இந்தியா லிமிடெட், நிதியாண்டின் 2வது காலாண்டில் அதன் ஒருங்கிணைந்த நிகர லாபம் 12.09 சதவீதம் அதிகரித்து ரூ. 498.57 கோடியாக இருப்பதாக இன்று அறிவித்தது. கடந்த ஆண்டின் இதே காலாண்டில் நிறுவனம் ரூ. 444.79 கோடி நிகர லாபத்தைப் பதிவு செய்திருந்த நிலையில், செயல்பாடுகள் மூலம் கிடைத்த அதன் வருவாய் கடந்த ஆண்டின் 2வது காலாண்டிலிருந்த ரூ.3,191.32 கோடியிலிருந்து 11.64 சதவீதம் அதிகரித்து ரூ.3,563.07 கோடியாக உயர்ந்துள்ளது. நிறுவனம் தொடர்ச்சியாக 2வது காலாண்டிலும் இரட்டை இலக்க வளர்ச்சியைப் பதிவு செய்தது. செப்டம்பர் முடிய உள்ள காலாண்டில் மொத்த செலவுகள் ரூ. 3,089.14 கோடியாக இருந்தது. இது கடந்த ஆண்டுடன் ஒப்பிடுகையில் 12 சதவீதம் அதிகமாகும். இதர வருமானத்தையும் உள்ளடக்கிய மொத்த வருமானம், நிதியாண்டின் 2வது காலாண்டில் 12.11 சதவீதம் அதிகரித்து ரூ. 3,734.96 கோடியாக இருந்தது. இதற்கிடையில், நிதியாண்டின் 2வது காலாண்டில், டாபர் இந்தியாவின் ஒருங்கிணைந்த வருமானம் 11.51 சதவீதம் அதிகரித்து ரூ. 7671.91 கோடியாக இருந்தது. டாபர் இந்தியா நிறுவனத்தின் பங்குகள் மும்பை பங்குச் சந்தையில், பங்கு ஒன்றுக்கு ரூ. 394.10 ஆக இருந்தது. தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News உடனுக்குடன் செய்திகளை அறிய தினமணி App பதிவிறக்கம் செய்யவும். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும். ON GOOGLE DISCOVER
டாபர் இந்தியா Q2 லாபம் 12% உயர்வு!
📅
📍 Tamil Nadu, Tamil Nadu
🏷️ News
✍️ TN24 Editorial Desk
🔗 Source: dinamani.com (original report) ↗
