முதல் போட்டியில் ஆட்ட நாயகன் விருது வென்ற இந்திய வீரர் அன்ஷுல் கம்போஜ் பேட்டி குறித்து... இந்திய வீரர் அன்ஷுல் கம்போஜ் - AP நியூசிலாந்துக்கு எதிரான முதல் போட்டியில் ஆட்ட நாயகன் விருது வென்ற இந்திய வீரர் அன்ஷுல் கம்போஜ், “நான் எந்த இடத்தில் பந்துவீச வேண்டும் என்பதில் மட்டுமே கவனமாக இருந்தேன்” எனப் பேட்டி அளித்துள்ளார். ஆக்லாந்தில் தொடங்கிய இந்தப் போட்டியில் டாஸ் வென்ற இந்தியா பந்துவீச, பேட்டிங் செய்த நியூசிலாந்து 40.2 ஓவர்களில் 185 ரன்களுக்கு ஆல் அவுட்டானது. இந்தப் போட்டியில் இந்தியா சார்பில் அர்ஷ்தீப் சிங் 4, அன்ஷுல் கம்போஜ் 2 விக்கெட்டுகள் எடுத்தனர். அடுத்து பேட்டிங் செய்த இந்திய அணி டிஎல்எஸ் விதியினால் 22.4 ஓவர்களில் 143/5 ரன்கள் எடுத்து வென்றது. 10 ஓவர்களில் 2 விக்கெட்டுகள் எடுத்து 22 ரன்கள் மட்டுமே கொடுத்த அன்ஷுல் கம்போஜ் ஆட்ட நாயகனாகத் தேர்வு செய்யப்பட்டார். இது குறித்து அவர் பேசியிருப்பதாவது: எனது சிறப்பான பந்துவீச்சுக்குக் காரணம் நான் தொடர்ச்சியாக ஒரே வரிசை, இடத்தில் பந்துவீசினேன். ஆடுகள் எப்படி இருக்கிறதென பெரிதாக சிந்திக்காமல் அடிப்படையான விஷயத்தைச் செய்தேன். ஹோபல் சீம் ஆகும்படியான பந்துகளுக்கு நல்ல மரியாதை இருந்தது. அதனால் அதனை அதிகமாக பயன்படுத்தினேன். சரியான இடம், வரிசையில் பந்துவீசுவதில் மட்டுமே கவனம் செலுத்தினேன். பேட்டர்களின் பலம் எது? பலவீனம் எது என்று பார்த்து அதற்கேற்ற இடத்தில் பந்துவீசினேன். ஆடுகளத்தில் நல்ல பௌன்ஸ் இருந்தது. அதனால் அது எனக்கு உதவியாக இருந்தது. சரியான லைன், லெந்தில் பந்துவீசிவதில் மட்டுமே கவனம் செலுத்தினேன் என்றார். தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News உடனுக்குடன் செய்திகளை அறிய தினமணி App பதிவிறக்கம் செய்யவும். பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
வெற்றிக்கான காரணம் பகிர்ந்த ஆட்ட நாயகன் அன்ஷுல் கம்போஜ்!
📅
📍 Tamil Nadu, Tamil Nadu
🏷️ Sports
✍️ TN24 Editorial Desk
🔗 Source: dinamani.com (original report) ↗
