தப்பியோடிய மற்ற இருவரையும் பிடிக்க போலீஸார் தீவிர தேடுதல் வேட்டையில் ஈடுபட்டனர். தொடர்ந்து நடத்தப்பட்ட தேடுதல் நடவடிக்கையில் தப்பியோடிய இருவரும் கைது செய்யப்பட்டனர். கோவையில் கர்நாடகாவில் இருந்து கடத்தி வரப்பட்டதாகக் கூறப்படும் சுமார் 300 கிலோ குட்கா மற்றும் புகையிலைப் பொருட்களை போலீஸார் பறிமுதல் செய்ய முயன்றபோது, கடத்தல்காரர்கள் காரை நிறுத்தாமல் அதிவேகமாகத் தப்பிச் சென்ற சம்பவம் பெரும் பரபரப்பை ஏற்படுத்தியுள்ளது. ஓடும் காரின் மேற்கூரையில் பாய்ந்து பிடித்துக்கொண்ட தலைமை காவலர் சுமார் 40 கிலோமீட்டர் தூரம் ஆபத்தான நிலையில் பயணித்ததுடன், போலீஸார் மற்றும் ஆம்புலன்ஸ் வாகனங்கள் இணைந்து நடத்திய துரத்தல் நடவடிக்கையின் முடிவில் 3 பேரும் கைது செய்யப்பட்டுள்ளனர். கோவை மாவட்டம் கோவில்பாளையம் காவல் நிலையத்தைச் சேர்ந்த தலைமை காவலர் வேல்முருகன் மற்றும் உதவி ஆய்வாளர் விக்னேஷ் உள்ளிட்ட போலீஸார் வழக்கமான வாகனச் சோதனையில் ஈடுபட்டிருந்தனர். அப்போது கர்நாடக மாநிலத்தில் இருந்து கோவை நோக்கி வந்த சந்தேகத்திற்கிடமான சொகுசு காரை போலீஸார் நிறுத்தி சோதனை செய்தனர். காரின் பின்பகுதியில் ஏராளமான மூட்டைகள் அடுக்கி வைக்கப்பட்டிருந்ததைப் பார்த்த போலீஸாருக்கு சந்தேகம் ஏற்பட்டது. இதையடுத்து உதவி ஆய்வாளர் விக்னேஷ் காரில் இருந்த பொருட்களை ஆய்வு செய்ய முயன்றார். அப்போது காருக்குள் இருந்த ராஜஸ்தான் மாநிலத்தைச் சேர்ந்த 3 பேர், போலீஸாரின் சோதனையைத் தவிர்க்கும் வகையில் திடீரென காரை இயக்கியதாக கூறப்படுகிறது. உதவி ஆய்வாளரைத் தள்ளிவிட்டு, காரின் கதவுகளை வேகமாக மூடிய அவர்கள், காரை நிறுத்தாமல் அதிவேகமாகச் சென்றுள்ளனர். இதனால் அதிர்ச்சியடைந்த போலீஸார் உடனடியாக அவர்களைத் தடுத்து நிறுத்த முயன்றனர். இந்த நேரத்தில் கணநேரத்தில் செயல்பட்ட தலைமை காவலர் வேல்முருகன், தப்பிச் சென்றுகொண்டிருந்த காரின் மேற்கூரை மீது பாய்ந்து பிடித்துக்கொண்டார். கார் வேகமாகச் சென்றபோதும், தனது பிடியை விடாமல் அதன் மேற்கூரையில் ஆபத்தான நிலையில் தொங்கியபடி சென்றதாகக் கூறப்படுகிறது. தலைமை காவலர் காரின் மீது இருப்பதைப் பொருட்படுத்தாமல், காரில் இருந்தவர்கள் தொடர்ந்து வாகனத்தை வேகமாக இயக்கியதாக போலீஸார் தெரிவித்துள்ளனர். இதையடுத்து அந்த கார் விளாங்குறிச்சி, காளப்பட்டி நாலு ரோடு, சித்ரா உள்ளிட்ட பகுதிகள் வழியாக கணியூர் சுங்கச்சாவடி நோக்கி சென்றுள்ளது. சுமார் 40 கிலோமீட்டர் தூரம் வரை நடைபெற்ற இந்த துரத்தல் சம்பவத்தில், தலைமை காவலர் வேல்முருகர் காரின் மேற்கூரையைப் பிடித்தபடியே இருந்துள்ளார். சாலையில் சென்ற வாகன ஓட்டிகள் இந்தக் காட்சியைப் பார்த்து அதிர்ச்சியடைந்ததுடன், சிலர் தங்களது செல்போன்களில் சம்பவத்தைப் பதிவு செய்ததாக கூறப்படுகிறது. கணியூர் சுங்கச்சாவடியை அடைந்தபோதும் கார் நிற்கவில்லை. அங்கு வேகமாகச் சென்ற கார் சுங்கச்சாவடி தடுப்புகளைத் தாண்டிச் சென்றதாகவும் கூறப்படுகிறது. இதற்கிடையே சம்பவம் குறித்து தகவல் கிடைத்ததும் கணியூர் போலீஸார் ரோந்து வாகனத்துடன் சம்பவ இடத்தை நோக்கி விரைந்தனர். மேலும், கணியூர் ஆம்புலன்ஸ், எல்.ஜி. மருத்துவமனை ஆம்புலன்ஸ், பாலா ஆர்த்தோ மருத்துவமனை ஆம்புலன்ஸ் மற்றும் 'சினேகம்' ஆம்புலன்ஸ் நண்பர்கள் உள்ளிட்டோரும் ஒன்றிணைந்து தப்பிச் சென்ற காரை பின்தொடர்ந்தனர். காரின் மேற்கூரையில் போலீஸ் ஒருவர் ஆபத்தான நிலையில் தொங்கியபடி செல்வது தெரியவந்ததால், அவரைப் பாதுகாப்பாக மீட்பதற்கும் காரில் இருந்தவர்களைப் பிடிப்பதற்கும் ஆம்புலன்ஸ் வாகனங்களும் துரத்தலில் இணைந்ததாக கூறப்படுகிறது. ஒருபுறம் போலீஸ் வாகனங்கள் காரை பின்தொடர்ந்த நிலையில், மறுபுறம் ஆம்புலன்ஸ் வாகனங்களும் தொடர்ந்து சென்றதால், சாலையில் பரபரப்பான சூழல் ஏற்பட்டது. இதையடுத்து அவிநாசி காவல் நிலையத்திற்கும் தகவல் தெரிவிக்கப்பட்டது. தகவல் கிடைத்ததும் அவிநாசி போலீஸாரும் காரை எதிர்நோக்கி விரைந்து வந்தனர். பல்வேறு திசைகளில் இருந்து போலீஸ் மற்றும் ஆம்புலன்ஸ் வாகனங்கள் காரை நெருங்கிய நிலையில், அவிநாசி அன்னபூர்ணா ஹோட்டல் அருகே வைத்து காரைச் சுற்றிவளைத்து நிறுத்தினர். கார் நிறுத்தப்பட்டதும், அதில் இருந்த 3 பேரில் இருவர் அங்கிருந்து தப்பியோடியதாகவும், ஒருவரை போலீஸார் உடனடியாக மடக்கிப் பிடித்ததாகவும் கூறப்படுகிறது. பின்னர் தப்பியோடிய மற்ற இருவரையும் பிடிக்க போலீஸார் தீவிர தேடுதல் வேட்டையில் ஈடுபட்டனர். தொடர்ந்து நடத்தப்பட்ட தேடுதல் நடவடிக்கையில் தப்பியோடிய இருவரும் கைது செய்யப்பட்டனர். இதையடுத்து காரை முழுமையாகச் சோதனை செய்த போலீஸார், அதில் சுமார் 300 கிலோ எடையிலான குட்கா மற்றும் தடை செய்யப்பட்ட புகையிலைப் பொருட்கள் இருப்பதை கண்டறிந்ததாக தெரிவித்துள்ளனர். முதற்கட்ட விசாரணையில், கைது செய்யப்பட்ட 3 பேரும் ராஜஸ்தான் மாநிலத்தைச் சேர்ந்தவர்கள் என்பதும், பெங்களூரில் இருந்து குட்கா மற்றும் புகையிலைப் பொருட்களை எடுத்துக்கொண்டு கோவை பகுதிக்கு வந்து அவற்றை கைமாற்ற முயன்றதாகவும் தெரியவந்துள்ளதாக போலீஸார் கூறியுள்ளனர். குட்கா உள்ளிட்ட தடை செய்யப்பட்ட புகையிலைப் பொருட்களின் கடத்தல் தொடர்பாக போலீஸார் தொடர்ந்து விசாரணை நடத்தி வருகின்றனர். இந்தப் பொருட்கள் யாருக்காகக் கொண்டு வரப்பட்டன, கோவையில் யாரிடம் அவற்றை ஒப்படைக்க திட்டமிடப்பட்டிருந்தது, இதன் பின்னணியில் மேலும் யாருக்கெல்லாம் தொடர்பு உள்ளது என்பது குறித்தும் விசாரணை நடைபெற்று வருவதாக கூறப்படுகிறது. கடத்தலுக்குப் பயன்படுத்தப்பட்ட கார் மற்றும் சுமார் 300 கிலோ குட்கா, புகையிலைப் பொருட்கள் போலீஸாரால் பறிமுதல் செய்யப்பட்டுள்ளன. சினிமாவையே மிஞ்சிய சேஸிங்! காரின் கூரையில் தொங்கிய போலீஸ்; 40 கி.மீ துரத்தல் pic.twitter.com/e0eqv8nMgx இந்தச் சம்பவத்தில் தலைமை காவலர் வேல்முருகன் ஆபத்தைப் பொருட்படுத்தாமல் காரைத் தொடர்ந்து சென்ற விதமும், அவரை மீட்பதற்கும் கடத்தல்காரர்களை மடக்கிப் பிடிப்பதற்கும் போலீஸாருடன் இணைந்து ஆம்புலன்ஸ் ஊழியர்கள் மற்றும் ஆம்புலன்ஸ் நண்பர்கள் மேற்கொண்ட நடவடிக்கையும் கவனம் பெற்றுள்ளது. குறிப்பாக, காரின் மேற்கூரையில் சுமார் 40 கிலோமீட்டர் தூரம் ஆபத்தான நிலையில் பயணித்த தலைமை காவலரின் துணிச்சல் குறித்து பொதுமக்கள் பாராட்டுகளைத் தெரிவித்து வருகின்றனர். கோவையில் நடைபெற்ற இந்த சம்பவம், வழக்கமான வாகனச் சோதனை எவ்வாறு பரபரப்பான துரத்தல் நடவடிக்கையாக மாறியது என்பதையும், போலீஸார், ஆம்புலன்ஸ் பணியாளர்கள் மற்றும் பொதுமக்கள் ஒருங்கிணைந்து செயல்பட்டதையும் வெளிப்படுத்தியுள்ளது. தற்போது கைது செய்யப்பட்டுள்ள 3 பேரிடமும் தொடர்ந்து விசாரணை நடைபெற்று வருவதால், இந்தக் கடத்தல் தொடர்பாக மேலும் முக்கிய தகவல்கள் வெளியாகலாம் என எதிர்பார்க்கப்படுகிறது. Stay updated with the latest news headlines and all the latest Lifestyle news. Download Indian Express Tamil App - Android or iOS. அறிமுகம் இந்தியன் எக்ஸ்பிரஸ் தமிழ் வெப் டெஸ்க் என்பது பல துறை பத்திரிகையாளர்களைக் கொண்ட ஒரு குழுவாகும். இந்த குழு உலகம் முழுவதும் 24 மணி நேரமும் நடக்கும் செய்திகள் மற்றும் நிகழ்வுகளை செய்தியாக தமிழில் அளிக்கும். இது இந்தியன் எக்ஸ்பிரஸ் தமிழ் ஆன்லைன் வெப் டெஸ்க்கால் சரிபார்க்கப்பட்ட செய்திகளின் நம்பகமான மூலமாகும். இந்த வெப் டெஸ்க் அரசியல், வணிகம், தேசிய மற்றும் சர்வதேச நிகழ்வுகள் மற்றும் இந்தியா முழுவதிலுமிருந்து தினசரி முக்கிய செய்திகள் குறித்த நேரலைப் பதிவுகள் மற்றும் புதுப்பிப்பிக்கப்பட்ட தகவல்களை உங்களுக்கு வழங்குகிறது. நிபுணத்துவம் பல் துறை செய்தி நிபுணத்துவம்: முக்கிய செய்திகளின் நேரலைப் பதிவுகள் முதல் விரிவான ஊடக அறிக்கைகள் வரை நிகழ்நேரத்தில் டிஜிட்டல் மூலம் செய்திகளை அளிப்பதில் வெப் டெஸ்க் குழு நிபுணத்துவம் பெற்றது. பரந்த அளவிலான கவரேஜ்: இந்த வெப் டெஸ்க் பல்வேறு முக்கியமான துறைகளில் விரிவான நிபுணத்துவத்தைக் கொண்டுள்ளது, அவற்றுள்: அரசியல்: தமிழக அரசியல், சட்டமன்ற நிகழ்வுகள், இந்திய பாராளுமன்ற நிகழ்வுகள் மற்றும் தேசிய மற்றும் சர்வதேச அரசியல் செய்திகளை வழங்குதல். தேசிய & சர்வதேச நிகழ்வுகள்: பல்வேறு மாநிலங்களில் உள்ள உள்ளூர் பிரச்சனைகள் முதல் உலகளாவிய பாதுகாப்பு நிலவரங்கள் மற்றும் சர்வதேச விசாரணைகள் வரையிலான செய்திகளை வழங்குதல். தொழில்நுட்பம் & ஏ.ஐ: புதிய செயற்கை நுண்ணறிவு, சாஃப்ட்வேர் அப்டேட்கள் மற்றும் வளர்ந்து வரும் டிஜிட்டல் மீடியா நிலப்பரப்பில் நிபுணர்களின் சமீபத்திய புதுப்பிப்புகளை வழங்குதல். வாழ்க்கை முறை மற்றும் மன ஆரோக்கியம்: சமூகப் போக்குகள், சுகாதார சவால்கள் மற்றும் தனிப்பட்ட நல்வாழ்வு குறித்த நுணுக்கமான தகவல்களை வழங்குதல். கல்வி & வேலை வாய்ப்பு: பள்ளி, கல்லூரிகளுக்கான தகவல்கள் முதல் நீட், ஜே.இ.இ போன்ற தேர்வுகள் வரையிலான கல்வி செய்திகளையும், டி.என்.பி.எஸ்.சி, ரயில்வே, வங்கி தேர்வுகள் மற்றும் தமிழகம் மற்றும் இந்திய அளவிலான வேலை வாய்ப்பு குறித்த சமீபத்திய வேலை வாய்ப்பு தகவல்களையும் வழங்குதல். நம்பகத்தன்மை இந்தியன் எக்ஸ்பிரஸ் தமிழின் ஒருங்கிணைந்த பகுதியாக, வெப் டெஸ்க் "தைரியமான ஊடகவியல்" என்ற மரபின் கீழ் செயல்படுகிறது. ஒவ்வொரு செய்தியும் இந்தியன் எக்ஸ்பிரஸ் ஆன்லைன் டெஸ்க்கால் சரிபார்க்கப்பட்ட செய்திகளின் நம்பகமான மூலமாகும். இந்த கடுமையான சரிபார்ப்பு செயல்முறை, நிகழ்நேரத்தில் செய்திகளை அளிப்பதில் ஒருபோதும் உண்மை துல்லியம் அல்லது பத்திரிகை நேர்மையை இழக்காமல் இருப்பதை உறுதி செய்கிறது. வெப் டெஸ்க் அனுபவம் இந்தியன் எக்ஸ்பிரஸ் தமிழ் வெப் டெஸ்க் 8 ஆண்டுகள் அனுபவம் கொண்டது. இந்தக் கட்டுரையைப் பகிரவும் இந்த கட்டுரை உங்களுக்கு பிடித்திருந்தால் உங்கள் நண்பர்களுடன் பகிரவும்அவர்கள் பின்னர் நன்றி சொல்வார்கள்
சினிமாவையே மிஞ்சிய சேஸிங்! காரின் கூரையில் தொங்கிய போலீஸ்; 40 கி.மீ துரத்தல்
📅
📍 Coimbatore, Tamil Nadu
🏷️ News
✍️ TN24 Editorial Desk
