நாட்டில் அதிகரித்து வரும் சைபர் குற்றங்களைத் தடுக்க போலி சிம் கார்டுகள், ஆள்மாறாட்டம் மற்றும் ஐ.எம்.இ.ஐ மாற்றங்களுக்கு எதிராக மத்திய தொலைத்தொடர்புத் துறை கடும் எச்சரிக்கை விடுத்துள்ளது. பொதுமக்கள் தங்களின் பெயரில் உள்ள இணைப்புகளைச் சரிபார்க்க ‘சஞ்சார் சாதி’ செயலியைப் பயன்படுத்துமாறு அறிவுறுத்தப்பட்டுள்ளனர். போலி ஆவணங்கள் மூலம் சிம் பெறுவது மற்றும் ஐ.எம்.இ.ஐ எண்களை மாற்றுவது தண்டனைக்குரிய குற்றம் என்றும், மீறினால் 3 ஆண்டுகள் சிறை மற்றும் ரூ.50 லட்சம் அபராதம் விதிக்கப்படும் என்றும் மத்திய அரசு எச்சரித்துள்ளது. போலி ஆவணங்கள் மூலம் பெறப்படும் சிம் கார்டுகள், தொலைத்தொடர்பு அடையாள எண்களின் துஷ்பிரயோகம் மற்றும் அலைபேசிகளின் ஐ.எம்.இ.ஐ எண்களை மாற்றியமைப்பது ஆகியவை கடுமையான தண்டனைக்குரிய குற்றங்கள் என்றும், மீறுபவர்களுக்கு 3 ஆண்டுகள் வரை சிறைத்தண்டனையும் ரூ.50 லட்சம் வரை அபராதமும் விதிக்கப்படும் என்றும் மத்திய தொலைத்தொடர்புத் துறை எச்சரித்துள்ளது. சம்பவத்தின் பின்னணி: மத்தியப் பிரதேச மண்டல தொலைத்தொடர்புத் துறை மேற்கொண்ட இணையவழிக் குற்றப் பிரிவு விசாரணையில், சத்தீஸ்கர் மாநிலத்தைச் சேர்ந்த ஒரு சிம் கார்டு விற்பனை முகவர், பொதுமக்களின் அடையாள ஆவணங்களை அவர்களுக்குத் தெரியாமலும் அனுமதியின்றியும் பயன்படுத்தி சட்டவிரோதமாக 25 சிம் கார்டுகளைச் செயல்படுத்தியது கண்டுபிடிக்கப்பட்டது. இதனைத் தொடர்ந்து, அந்த முகவர் உடனடியாகக் கருப்புப் பட்டியலில் சேர்க்கப்பட்டு, இனிவரும் காலங்களில் சிம் கார்டுகளை விற்பனை செய்யத் தடை விதிக்கப்பட்டது. மேலும், அந்த 25 தொலைபேசி எண்களும் டிஜிட்டல் இன்டெலிஜென்ஸ் தளத்தின் மூலம் பரிசோதிக்கப்பட்டு, மறு-சரிபார்ப்பிற்கு உட்படாத சந்தேகத்திற்கிடமான எண்கள் என உடனடியாக முடக்கப்பட்டன. தொலைத்தொடர்பு சட்டம் 2023 - விழிப்புணர்வு அறிவிப்பு: 2023-ம் ஆண்டின் புதிய 'தொலைத்தொடர்புச் சட்டத்தின்' (Telecommunications Act, 2023) கீழ், இதுபோன்ற முறைகேடுகளில் ஈடுபடுவது சட்டப்படி குற்றமாகும். பொதுமக்கள் தங்களது பெயரில் பெறப்பட்ட சிம் கார்டுகளை மற்றவர்களுக்குக் கொடுப்பதையோ அல்லது மாற்றித் தருவதையோ தவிர்க்க வேண்டும். ஏனெனில், அந்த சிம் கார்டு மூலம் ஏதேனும் சைபர் மோசடி அல்லது சட்டவிரோதச் செயல்கள் நடந்தால், அதன் அசல் உரிமையாளரே சட்டப்பூர்வமாகப் பொறுப்பேற்க நேரிடும். பொதுமக்கள் தவிர்க்க வேண்டிய முக்கியமான விஷயங்கள்: போலி ஆவணங்கள் பயன்பாடு: போலி ஆவணங்கள், ஆள்மாறாட்டம் அல்லது ஏமாற்று வேலைகள் மூலம் சிம் கார்டுகளைப் பெறுவது. சிம் கார்டுகளை வாடகைக்கு விடுதல்: தன் பெயரில் பெறப்பட்ட சிம் கார்டுகளை மற்றவர்களுக்குக் கடனாகவோ, வாடகைக்கோ அல்லது சைபர் மோசடிகளுக்குப் பயன்படுத்தக் கொடுப்பதோ கூடாது. ஐ.எம்.இ.ஐ (IMEI) எண் மாற்றம்: ஐ.எம்.இ.ஐ எண்களை மாற்றியமைக்கக்கூடிய அல்லது மாற்றப்பட்ட சாதனம் (SIM Box, Modems) போன்ற கருவிகளை வாங்குவதோ, பயன்படுத்துவதோ கூடாது. அழைப்பு எண் மாற்றம் (CLI Modification): ஆப்ஸ்கள் அல்லது இணையதளங்கள் மூலம் அழைப்பவரின் தொலைபேசி எண்ணை (Calling Line Identity) மாற்றி அமைத்து தவறாகப் பயன்படுத்துவது. 'சஞ்சார் சாதி' (Sanchar Saathi) செயலி மூலம் பாதுகாப்பு: பொதுமக்கள் தங்களின் அலைபேசி இணைப்புகள் மற்றும் கருவிகளைப் பாதுகாப்பாக வைத்திருக்க மத்திய அரசின் சஞ்சார் சாதி (Sanchar Saathi) தளத்தைப் பயன்படுத்துமாறு அறிவுறுத்தப்படுகிறார்கள். சிம் கார்டுகளைச் சரிபார்க்க: www.sancharsaathi.gov.in என்ற இணையதளம் அல்லது அதன் மொபைல் செயலி மூலம் உங்கள் பெயரில் எத்தனை சிம் கார்டுகள் பயன்பாட்டில் உள்ளன என்பதை அறியலாம். தேவையற்ற அல்லது உங்களால் பெறப்படாத எண்களை உடனடியாக ‘பிளாக்’ (Block) செய்ய முடியும். அலைபேசியின் உண்மைத் தன்மையை அறிய: சஞ்சார் சாதி தளத்தில் உள்ள உங்கள் கைபேசியின் உண்மைத்தன்மையை சரிபார்க்கவும் (Check Genuineness of Your Mobile Handset) வசதியைப் பயன்படுத்தி, நீங்கள் வாங்கும் போனின் பிராண்ட், மாடல் மற்றும் தயாரிப்பாளர் விவரங்கள் உண்மையானதா என்பதை அலைபேசியின் ஐ.எம்.இ.ஐ எண்ணைக் கொண்டு சரிபார்க்கலாம். இணையவழிக் குற்றங்களிலிருந்து தங்களைப் பாதுகாத்துக் கொள்ளவும், நாட்டின் தொலைத்தொடர்பு அமைப்பின் பாதுகாப்பை உறுதி செய்யவும் பொதுமக்கள் விழிப்புணர்வுடன் செயல்படுமாறு மத்திய அரசு கேட்டுக்கொண்டுள்ளது. Stay updated with the latest news headlines and all the latest Lifestyle news. Download Indian Express Tamil App - Android or iOS. A seasoned journalist with 10+ years of experience in print, digital, and broadcast media (Indian Express Tamil, Hindu Tamil, Jaya Plus). Currently a Senior Sub-Editor, he blends his M.A. in History with a deep commitment to news authenticity and social impact. As an active poet and short story writer, he brings a unique literary perspective to journalism. Expert in news verification and digital editorial. Highlights: 10+ Yrs Exp M.A. History Poetry & Fiction writer இந்தக் கட்டுரையைப் பகிரவும் இந்த கட்டுரை உங்களுக்கு பிடித்திருந்தால் உங்கள் நண்பர்களுடன் பகிரவும்அவர்கள் பின்னர் நன்றி சொல்வார்கள்
போலி சிம் கார்டு, ஐ.எம்.இ.ஐ எண் மோசடி: 3 ஆண்டுகள் சிறை; ரூ.50 லட்சம் அபராதம்: மத்திய அரசு எச்சரிக்கை
📅
📍 Tamil Nadu, Tamil Nadu
🏷️ News
✍️ TN24 Editorial Desk
