கெனரா வங்கி ஜாம்ஷெட்பூர் கிளையில் நடந்த ரூ.33.60 கோடி கொள்ளையில், ஆயுதம் ஏந்திய 5 பேர் கும்பல் தங்கம், ரொக்கப் பணம் அபகரித்ததுடன், எதிர்த்த பாதுகாப்பு காவலரை துப்பாக்கிப் பிடியால் தாக்கி காயப்படுத்தியது. ஜார்க்கண்ட் மாநிலம் ஜாம்ஷெட்பூரின் கோல்முரி சந்தைப் பகுதியில் இயங்கி வரும் கெனரா வங்கி கிளையில், செப்டம்பர் 24 அன்று துப்பாக்கி உள்ளிட்ட பயங்கர ஆயுதங்களுடன் நுழைந்த 5 பேர் கொண்ட கும்பல் பெரும் கொள்ளை சம்பவத்தில் ஈடுபட்டுள்ளது. வங்கியில் அடமானம் வைக்கப்பட்டிருந்த சுமார் 23.80 கிலோ தங்கம் மற்றும் ₹40 லட்சம் ரொக்கப் பணம் என மொத்தம் ₹33.60 கோடி மதிப்பிலான பொருட்கள் கொள்ளையடிக்கப்பட்டுள்ளன. வங்கி ஊழியர்கள் மற்றும் பாதுகாப்பு ஊழியர்களைத் துப்பாக்கி முனையில் மிரட்டி, அவர்களைப் பிணைக்கைதிகளாகப் பிடித்துவைத்து பூட்டப்பட்ட அறையில் அடைத்துவிட்டு இக்கடத்தலை நடத்தியுள்ளனர். வங்கியின் பாதுகாப்புக் காவலர் எதிர்த்த போது அவர் மீது துப்பாக்கிப் பிடியால் தாக்குதல் நடத்தப்பட்டதில் அவர் காயமடைந்து மருத்துவமனையில் அனுமதிக்கப்பட்டுள்ளார். சம்பவம் குறித்துத் தகவல் அறிந்ததும் சம்பவ இடத்திற்கு விரைந்த காவல்துறையினர், வழக்குப் பதிவு செய்து தீவிர விசாரணை மேற்கொண்டு வருகின்றனர். குற்றவாளிகளைப் பிடிக்கச் சிறப்பு விசாரணைக் குழு அமைக்கப்பட்டு, வங்கியின் உள் மற்றும் சுற்றியுள்ள பகுதிகளின் சிசிடிவி காட்சிகளை ஆய்வு செய்து வருகின்றனர்.
ஜார்க்கண்ட்| வங்கியில் ரூ.33.60 கோடி கொள்ளை.. துப்பாக்கி முனையில் திருடிச்சென்ற கும்பல்!
📅
📍 Tamil Nadu, Tamil Nadu
🏷️ News
✍️ TN24 Editorial Desk
